‘ಕಾಳಿ’ ಸಿನಿಮಾಗೆ ತಡೆಯಾಜ್ಞೆ: ಲೀನಾಗೆ ಮತ್ತೊಮ್ಮೆ ಸಮನ್ಸ್‌ ಜಾರಿ
Published 30 ಆಗಸ್ಟ್ 2022, 14:35 IST
ಲೀನಾ ಮಣಿಮೇಕಲೈ (ಟ್ವಿಟ್ಟರ್ ಚಿತ್ರ)
ನವದೆಹಲಿ: ಲೀನಾ ಮಣಿಮೇಕಲೈ ಅವರು ನಿರ್ಮಿಸಿರುವ ‘ಕಾಳಿ’ ಸಿನಿಮಾಗೆ ನೀಡಿರುವ ತಡೆಯಾಜ್ಞೆಯನ್ನು ಪ್ರಶ್ನಿಸಿ ಸಲ್ಲಿಸಿದ್ದ ಅರ್ಜಿ ಸಂಬಂಧ ದೆಹಲಿ ನ್ಯಾಯಾಲಯವು ಲೀನಾ ಅವರಿಗೆ ಮತ್ತೊಮ್ಮೆ ಸಮನ್ಸ್‌ ಜಾರಿ ಮಾಡಿದೆ.
ಆದೇಶ ಕೊಡುವ ಮೊದಲು ಲೀನಾ ಅವರ ವಾದವನ್ನು ಕೇಳಬೇಕು ಎಂದು ನ್ಯಾಯಾಲಯ ಹೇಳಿದೆ. ಈ ಹಿಂದೆ ನ್ಯಾಯಾಲಯವು ಆಗಸ್ಟ್ 6ರಂದು ಲೀನಾ ಅವರಿಗೆ ಸಮನ್ಸ್‌ ನೀಡಿತ್ತು.
‘ಲೀನಾ ಹಾಗೂ ಟೂರಿಂಗ್‌ ಟಾಕೀಸ್‌ ಮೀಡಿಯಾ ವರ್ಕ್ಸ್‌ ಪ್ರೈ.ಲಿ ಅವರಿಗೆ ಈ ಹಿಂದೆ ನೀಡಿದ್ದ ಸಮನ್ಸ್‌ ತಲುಪಿಲ್ಲ. ಆದ್ದರಿಂದ ವಾಟ್ಸ್‌ಆ್ಯಪ್‌, ಇ–ಮೇಲ್‌ ಮೂಲಕ ಹೊಸ ಸಮನ್ಸ್‌ ನೀಡಬೇಕು’ ಎಂದು ಹೆಚ್ಚುವರಿ ಹಿರಿಯ ಸಿವಿಲ್‌ ನ್ಯಾಯಾಧೀಶ ಅಭಿಷೇಕ್‌ ಕುಮಾರ್‌ ಅವರು ನಿರ್ದೇಶಿಸಿದರು. ಅರ್ಜಿಯ ವಿಚಾರಣೆಯನ್ನು ನವೆಂಬರ್‌ 1ಕ್ಕೆ ಮುಂದೂಡಿತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.