ಮಹಿಳೆಯ ಹೊಟ್ಟೆಯಲ್ಲಿ 24 ಕೆ.ಜಿ. ತೂಕದ ಗಡ್ಡೆ: ಯಶಸ್ವಿ ಶಸ್ತ್ರಚಿಕಿತ್ಸೆ
Published 5 ಆಗಸ್ಟ್ 2020, 21:40 IST
ಶಿಲ್ಲಾಂಗ್‌: ಮೇಘಾಲಯದ ಪಶ್ಚಿಮ ಗರೊ ಹಿಲ್ಸ್‌ ಜಿಲ್ಲೆಯ ಆಸ್ಪತ್ರೆಯೊಂದರಲ್ಲಿ ವೈದ್ಯರು ಮಹಿಳೆಯ ಹೊಟ್ಟೆಯೊಳಗೆ ಇದ್ದ 24 ಕೆ.ಜಿ ತೂಕದ ಗಡ್ಡೆಯೊಂದನ್ನು ಶಸ್ತ್ರಚಿಕಿತ್ಸೆ ಮುಖಾಂತರ ತೆಗೆದಿದ್ದಾರೆ.
ಹೊಟ್ಟೆನೋವಿನ ಕಾರಣ ಜುಲೈ 29ರಂದು ಪೂರ್ವ ಗರೊ ಹಿಲ್ಸ್‌ ಜಿಲ್ಲೆಯ ಜಮ್ಗೆ ಹಳ್ಳಿಯ 37 ವರ್ಷದ ಮಹಿಳೆಯೊಬ್ಬರು, ಟುರಾ ಹೆರಿಗೆ ಮತ್ತು ಮಕ್ಕಳ ಆಸ್ಪತ್ರೆಗೆ ದಾಖಲಾಗಿದ್ದರು. ಈ ಸಂದರ್ಭದಲ್ಲಿ ಅವರ ಹೊಟ್ಟೆಯೊಳಗೆ ಗಡ್ಡೆ ಇರುವುದು ಪತ್ತೆಯಾಗಿದೆ.
ಆಗಸ್ಟ್ 3ರಂದು ಶಸ್ತ್ರಚಿಕಿತ್ಸೆ ನಡೆಸಿ ಇದನ್ನು ಹೊರತೆಗೆಯಲಾಗಿದೆ. ರೋಗಿಯ ಆರೋಗ್ಯ ಸ್ಥಿರವಾಗಿದ್ದು, ನಿಗಾ ಇರಿಸಲಾಗಿದೆ. ಕ್ಯಾನ್ಸರ್‌ ಇದೆಯೇ ಎನ್ನುವುದನ್ನು ಪತ್ತೆಹಚ್ಚಲು ಗಡ್ಡೆಯನ್ನು ಅಂಗಾಂಶ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಆಸ್ಪತ್ರೆಯ ಸೂಪರ್‌ಇಂಟೆಂಡೆಂಟ್‌ ಡಾ. ಸಂಗ್ಮ ತಿಳಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.