ಮಹಾರಾಷ್ಟ್ರ| ನಟಿ ತುನಿಷಾ ಮೃತದೇಹ ದೊರೆತ ಸ್ಟುಡಿಯೊದಲ್ಲಿ ಅಗ್ನಿ ಅವಘಡ

ಪಾಲ್ಗರ್‌ (ಮಹಾರಾಷ್ಟ್ರ) (ಪಿಟಿಐ): ನಟಿ ತುನಿಷಾ ಶರ್ಮಾ ಅವರು 2022ರ ಡಿಸೆಂಬರ್‌ನಲ್ಲಿ ಅನುಮಾನಾಸ್ಪದವಾಗಿ ಮೃತಪಟ್ಟಿದ್ದ ಮಹಾರಾಷ್ಟ್ರದ ಪಾಲ್ಗರ್‌ ಜಿಲ್ಲೆಯ ವಾಸೈ ವಿಹಾರದ ಭಜನ್‌ಲಾಲ್‌ ಚಿತ್ರೀಕರಣ ಸ್ಟುಡಿಯೊದಲ್ಲಿ ಅಗ್ನಿ ಅವಗಢ ಸಂಭವಿಸಿದೆ ಎಂದು ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.

ತುನಿಷಾ ಶರ್ಮಾ ಮೃತದೇಹ ಇದೇ ಸ್ಟುಡಿಯೊದ ಶೌಚಾಲಯದಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. 

ಶನಿವಾರ ಬೆಳಿಗ್ಗೆ ಸುಮಾರು 4 ಗಂಟೆಗೆ ಬೆಂಕಿ ಹೊತ್ತಿಕೊಂಡಿದೆ. ಬೆಂಕಿಗೆ ಕಾರಣವೇನು ಎಂಬುದು ಇನ್ನೂ ತಿಳಿದುಬಂದಿಲ್ಲ ಎಂದು ಅಗ್ನಿಶಾಮದ ದಳದ ಅಧಿಕಾರಿಗಳು ತಿಳಿಸಿದ್ದಾರೆ.