ಉತ್ತರ ಪ್ರದೇಶ: ದರೋಡೆಕೋರನಿಗೆ ಗುಂಡು

ಗೋಂಡ: ಉತ್ತರ ಪ್ರದೇಶದ ಗೋಂಡದಲ್ಲಿ ಪೊಲೀಸರ ಜೊತೆ ನಡೆದ ಗುಂಡಿನ ಚಕಮಕಿಯಲ್ಲಿ ₹1 ಲಕ್ಷ ಬಹುಮಾನ ಘೋಷಿಸಲಾಗಿದ್ದ ದರೋಡೆಕೋರ ಸೋನು ಪಾಸಿ ಎಂಬಾತ ಹತನಾಗಿದ್ದಾನೆ. ಕೊಲೆ, ಸುಲಿಗೆ, ದರೋಡೆ ಸೇರಿದಂತೆ 53 ಗಂಭೀರ ಪ್ರಕರಣಗಳಲ್ಲಿ ಈತ ಪೊಲೀಸರಿಗೆ ಬೇಕಾಗಿದ್ದ ಎಂದು ಮಂಗಳವಾರ ಅಧಿಕಾರಿಗಳು ತಿಳಿಸಿದ್ದಾರೆ.

ಸೋನು ಪಾಸಿ ಅಲಿಯಾಸ್ ಭೂರೆ ಸೊನೌಲಿ ಮಹಮ್ಮದ್ ಪುರ ಬಾಂಧಾ ಬಳಿ ಇರುವ ಮಾಹಿತಿ ಆಧರಿಸಿ ವಿಶೇಷ ಕಾರ್ಯಾಚರಣೆ ತಂಡ ಮತ್ತು ಖೋದರೆ ಪೊಲೀಸ್ ಠಾಣೆಯ ಸಿಬ್ಬಂದಿ ಜಂಟಿ ಕಾರ್ಯಾಚರಣೆ ನಡೆಸಿದ್ದರು. ಅಧಿಕಾರಿ ಮೇಲೆ ಗುಂಡು ಹಾರಿಸಿ ಪಾಸಿ ಪರಾರಿಯಾಗಲು ಯತ್ನಿಸಿದಾಗ ಪೊಲೀಸರು ಪ್ರತಿ ದಾಳಿ ನಡೆಸಿದ್ದರು ಎಂದು ಗೋಂಡ ಜಿಲ್ಲಾ ಎಸ್‌.ಪಿ. ವಿನೀತ್ ಜೈಸ್ವಾಲ್‌ ತಿಳಿಸಿದ್ದಾರೆ.

ಪಾಸಿಯಿಂದ 32 ಪಿಸ್ತೂಲು, 315 ದೇಸಿ ಬಂದೂಕುಗಳು ಮತ್ತು ಸಿಡಿಗುಂಡುಗಳನ್ನು ವಶಕ್ಕೆ ಪಡೆಯಲಾಗಿದೆ. ಗುಂಡು ನಿರೋಧಕ ಕವಚ ಧರಿಸಿದ್ದ ಅಧಿಕಾರಿಗೆ ಪಾಸಿ ಹಾರಿಸಿದ ಒಂದು ಗುಂಡು ತಗುಲಿದ್ದು ಅವರಿಗೆ ಯಾವುದೇ ಗಾಯಗಳಾಗಿಲ್ಲ. 

ಕಳೆದ ತಿಂಗಳು ಉಮ್ರಿ ಬೇಗಮ್‌ಗಂಜ್‌ನಲ್ಲಿ ಕಳ್ಳತನ ವೇಳೆ ಹಿಡಿಯಲು ಬಂದ ಸ್ಥಳೀಯ ವ್ಯಕ್ತಿಯನ್ನು ಪಾಸಿ ಗುಂಡು ಹಾರಿಸಿ ಕೊಂದು ಪರಾರಿಯಾಗಿದ್ದ.  ತಲೆಮರೆಸಿಕೊಂಡು ಓಡಾಡುತ್ತಿದ್ದ ಈತನ ಬಗ್ಗೆ ಮಾಹಿತಿ ಕೊಟ್ಟವರಿಗೆ ₹1 ಲಕ್ಷ ಬಹುಮಾನ ಘೋಷಣೆ ಮಾಡಲಾಗಿತ್ತು ಎಂದು ಎಸ್‌ಪಿ ತಿಳಿಸಿದರು.