ಚೆನ್ನೈ ವಿಮಾನ ನಿಲ್ದಾಣದಲ್ಲಿ ₹1.75 ಕೋಟಿ ಮೌಲ್ಯದ ಚಿನ್ನ ವಶ

ಚೆನ್ನೈ: ‘ಇಲ್ಲಿನ ವಿಮಾನ ನಿಲ್ದಾಣದಲ್ಲಿ ₹1.75 ಕೋಟಿ ಮೌಲ್ಯದ 3.46 ಕೆ.ಜಿ.ಚಿನ್ನ ವಶಕ್ಕೆ ಪಡೆಯಲಾಗಿದೆ. ಈ ಸಂಬಂಧ ದುಬೈಯಿಂದ ಬಂದಿದ್ದ ಐವರು ಪ್ರಯಾಣಿಕರನ್ನು ಬಂಧಿಸಲಾಗಿದೆ’ ಎಂದು ಕಸ್ಟಮ್ಸ್‌ ಇಲಾಖೆ ಭಾನುವಾರ ತಿಳಿಸಿದೆ.

‘ಖಚಿತ ಮಾಹಿತಿಯ ಹಿನ್ನೆಲೆಯಲ್ಲಿ ಐವರು ಪ್ರಯಾಣಿಕರನ್ನು ತಪಾಸಣೆಗೆ ಒಳಪಡಿಸಲಾಗಿತ್ತು. ಅವರು ತಮ್ಮ ಗುದ ನಾಳ ಹಾಗೂ ಪ್ಯಾಂಟ್‌ನ ಜೇಬಿನಲ್ಲಿ ಚಿನ್ನವನ್ನು ಅಡಗಿಸಿಟ್ಟುಕೊಂಡಿದ್ದರು. ಅವರಿಂದ 75 ಸಿಗರೇಟ್‌ ಪ್ಯಾಕೆಟ್‌, ಲ್ಯಾಪ್‌ಟಾಪ್‌ಗಳನ್ನೂ ವಶಪಡಿಸಿಕೊಳ್ಳಲಾಗಿದೆ’ ಎಂದು ಕಸ್ಟಮ್ಸ್‌ ಇಲಾಖೆಯ ಕಮಿಷನರ್‌ ರಾಜನ್‌ ಚೌಧರಿ ಪ್ರಕಟಣೆಯಲ್ಲಿ ಹೇಳಿದ್ದಾರೆ.