‘ಆಪರೇಷನ್‌ ಸಿಂಧೂರ’ದ ಬಗ್ಗೆ ವಿವಾದಾತ್ಮಕ ಪೋಸ್ಟ್‌: ರಾಜೇಶ್‌ ಸೋನಿ ಬಂಧನ

ಅಹಮದಾಬಾದ್‌: ‘ಆಪರೇಷನ್‌ ಸಿಂಧೂರ’ದ ಬಗ್ಗೆ ವಿವಾದಾತ್ಮಕ ಹೇಳಿಕೆಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್‌ ಮಾಡಿದ ಆರೋಪದಡಿ ಗುಜರಾತ್‌ ಕಾಂಗ್ರೆಸ್‌ನ ಪ್ರಧಾನ ಕಾರ್ಯದರ್ಶಿ ರಾಜೇಶ್‌ ಸೋನಿ ಅವರನ್ನು ಶುಕ್ರವಾರ ಬಂಧಿಸಲಾಗಿದೆ.‌

ಗುರುವಾರ ಎಫ್‌ಐಆರ್‌ ದಾಖಲಾಗಿದ್ದು, ರಾಜ್ಯ ಸಿಐಡಿಯ ಸೈಬರ್‌ ಅಪರಾಧ ಕೋಶದ ಅಧಿಕಾರಿಗಳು ಸೋನಿ ಅವರನ್ನು ಬಂಧಿಸಿದರು.

‘ಕಳೆದ ತಿಂಗಳು ಭಾರತೀಯ ಸೇನಾಪಡೆಯು ಪಾಕಿಸ್ತಾನ ಹಾಗೂ ಪಾಕ್‌ ಆಕ್ರಮಿತ ಪ್ರದೇಶದೊಳಗೆ ನುಗ್ಗಿ ಉಗ್ರರ ನೆಲೆಗಳ ಮೇಲೆ ದಾಳಿ ನಡೆಸಿದ ‘ಆಪರೇಷನ್‌ ಸಿಂಧೂರ’ ಬಗ್ಗೆ ವಿವಾದಾತ್ಮಕ ವಿಷಯಗಳನ್ನು ಅಪ್‌ಲೋಡ್‌ ಮಾಡಿದ ಆರೋಪ ಸೋನಿ ಅವರ ಮೇಲಿದೆ’ ಎಂದು ಸಿಐಡಿ– ಸೈಬರ್‌ ಅಪರಾಧ ವಿಭಾಗದ ಎಸ್‌ಪಿ ಭರತ್‌ಸಿನ್ಹ ಟಾಂಕ್‌ ತಿಳಿಸಿದ್ದಾರೆ.