ಸೈಬರ್‌ ಅಪರಾಧ: ಅಮೆರಿಕ–ಭಾರತ ಒಪ್ಪಂದ

ನವದೆಹಲಿ: ‘ಸೈಬರ್ ಅಪರಾಧ ಗೂಢಚರ್ಯೆ ಮತ್ತು ಡಿಜಿಟಲ್‌ ವಿಧಿವಿಜ್ಞಾನ ಕುರಿತ ಸಹಕಾರ ಹಾಗೂ ತರಬೇತಿ ಕುರಿತಂತೆ ಅಮೆರಿಕ ಹಾಗೂ ಭಾರತ ಒಪ್ಪಂದ ಮಾಡಿಕೊಂಡಿವೆ’ ಎಂದು ಭಾರತೀಯ ವಿದೇಶಾಂಗ ಸಚಿವಾಲಯ ಶನಿವಾರ ಹೇಳಿದೆ.

ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಅವರು ಚುನಾಯಿತ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರಿಗೆ ಅಧಿಕಾರ ಹಸ್ತಾಂತರ ಮಾಡುವುದಕ್ಕೆ ಕೆಲವೇ ದಿನಗಳು ಬಾಕಿ ಇರುವಾಗಲೇ ಈ ಒಪ್ಪಂದ ಮಾಡಿಕೊಳ್ಳಲಾಗಿದೆ.

ಭಾರತದ ರಾಯಭಾರಿ ವಿನಯ್‌ ಮೋಹನ್‌ ಕ್ವಾತ್ರಾ ಹಾಗೂ ಅಮೆರಿಕದ ಗೃಹ ಇಲಾಖೆಯ ಹಂಗಾಮಿ ಉಪ ಕಾರ್ಯದರ್ಶಿ ಕ್ರಿಷ್ಟಿ ಕ್ಯಾನಗಾಲೊ ಅವರು ಶುಕ್ರವಾರ ವಾಷಿಂಗ್ಟನ್‌ನಲ್ಲಿ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.