ಕೋವಿಡ್‌| ಮುಂಚೂಣಿ ಸಿಬ್ಬಂದಿಯ ವಿಮಾ ಭದ್ರತೆ ಅವಧಿ ಆರು ತಿಂಗಳು ವಿಸ್ತರಣೆ

ನವದೆಹಲಿ: ಕೋವಿಡ್ ಸಂಬಂಧಿತ ಸೇವೆಗೆ ನಿಯೋಜಿತರಾಗಿರುವ ಆರೋಗ್ಯ ಕ್ಷೇತ್ರದ ಸಿಬ್ಬಂದಿಗೆ ರೂಪಿಸಿದ್ದ ವಿಮಾ ಯೋಜನೆಯ ಅವಧಿಯನ್ನು ಕೇಂದ್ರ ಸರ್ಕಾರ ಇನ್ನೂ ಆರು ತಿಂಗಳ ಕಾಲವಿಸ್ತರಿಸಿದೆ.

ಯೋಜನೆಯಡಿ ಈವರೆಗೆ 1,905 ಕ್ಲೇಮುಗಳನ್ನು ಇತ್ಯರ್ಥಪಡಿಸಲಾಗಿದೆ. ವಿಮಾ ಭದ್ರತೆಯನ್ನು ನಿಯೋಜಿತ ಸಿಬ್ಬಂದಿ ಅವಲಂಬಿತರಿಗೂ ವಿಸ್ತರಿಸಲು ನಿರ್ಧರಿಸಲಾಗಿದೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.

ಕೋವಿಡ್‌ ಸೇವೆಗೆ ನಿಯೋಜಿತರಾದ ಆರೋಗ್ಯ ಕ್ಷೇತ್ರದ ಸಿಬ್ಬಂದಿಗೆ ವಿಮಾ ಭದ್ರತೆ ಒದಗಿಸಲು ಪ್ರಧಾನಮಂತ್ರಿ ಗರೀಬ್ ಕಲ್ಯಾಣ ಪ್ಯಾಕೇಜ್‌ (ಪಿಎಂಜಿಕೆಪಿ) ಅನ್ನು ಮಾರ್ಚ್‌ 30, 2020ರಲ್ಲಿ ಆರಂಭಿಸಲಾಗಿತ್ತು. ಒಟ್ಟು ₹ 50 ಲಕ್ಷವರೆಗಿನ ವಿಮಾ ಭದ್ರತೆಯನ್ನು ಈ ಯೋಜನೆಯಡಿ ಒದಗಿಸಲಾಗುತ್ತದೆ.