ಕೇರಳದಲ್ಲಿ ಅಕ್ರಮವಾಗಿ ಮದ್ಯ ತಯಾರಿಸುತ್ತಿದ್ದ ವೈದ್ಯ ಸೇರಿ ಆರು ಜನ ಬಂಧನ

ತ್ರಿಶೂರ್, ಕೇರಳ: ತ್ರಿಶೂರ್ ಜಿಲ್ಲೆಯ ರಸ್ಟೊರಂಟ್ ಒಂದರ ಹಿಂದುಗಡೆ ಅಕ್ರಮವಾಗಿ ಮದ್ಯ ತಯಾರಿಸುತ್ತಿದ್ದ ವೈದ್ಯ ಹಾಗೂ ಆತನ ಐವರು ಸಹಚರರನ್ನು ಬಂಧಿಸಲಾಗಿದೆ ಎಂದು ಅಬಕಾರಿ ಪೊಲೀಸ್ ತಿಳಿಸಿದ್ದಾರೆ.

44 ವರ್ಷದ ಅಲೋಪತಿ ವೈದ್ಯ ಅನೂಪ್ ನೇತೃತ್ವದ ತಂಡ ಇರಿಂಜಾಲಕುಡದಲ್ಲಿ ಕೆಲವು ದಿನಗಳಿಂದ ಅಕ್ರಮ ಮಧ್ಯ ಘಟಕವನ್ನು ನಡೆಸುತ್ತಿದ್ದರು ಎಂದು ಆರೋಪಿಸಲಾಗಿದೆ.

ಅಕ್ರಮ ಮದ್ಯ ಉತ್ಪಾದನಾ ಘಟಕದ ಬಗ್ಗೆ ಅಬಕಾರಿ ಆಯುಕ್ತರ ದಳಕ್ಕೆ ಖಚಿತ ಮಾಹಿತಿ ದೊರಕುತ್ತಿದ್ದಂತೆ, ದಾಳಿ ನಡೆಸಿ 1,072 ಲೀಟರ್‌ ನಕಲಿ ಮದ್ಯ, ಎರಡು ಕಾರು ಮತ್ತು ಏರ್‌ಗನ್‌ ವಶಕ್ಕೆ ಪಡೆದಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.