ಮೊಮ್ಮಗನಿಗೆ ‘ಇರಾಜ್’ ಎಂದು ಹೆಸರಿಟ್ಟ ಲಾಲೂ–ರಾಬ್ಡಿ ದಂಪತಿ

ಪಟ್ನಾ: ಮೊಮ್ಮಗುವಿಗೆ ‘ಇರಾಜ್ ಲಾಲೂ ಯಾದವ್’ ಎಂದು ನಾಮಕರಣ ಮಾಡಲಾಗಿದೆ ಎಂದು ಆರ್‌ಜೆಡಿ ವರಿಷ್ಠ ಲಾಲೂ ಪ್ರಸಾದ್ ಮತ್ತು ಅವರ ಪತ್ನಿ ಬಾಬ್ರಿ ದೇವಿ ಪ್ರಕಟಿಸಿದ್ದಾರೆ.

ಲಾಲೂ ಪುತ್ರ, ಬಿಹಾರ ವಿಧಾನಸಭೆಯ ವಿರೋಧಪಕ್ಷದ ನಾಯಕ ತೇಜಸ್ವಿ ಯಾದವ್ ಅವರ ಪತ್ನಿ ರಾಜಶ್ರೀ, ಕೋಲ್ಕತ್ತದ ಖಾಸಗಿ ಆಸ್ಪತ್ರೆಯಲ್ಲಿ ಗಂಡು ಶಿಶುವಿಗೆ ಜನ್ಮ ನೀಡಿದ್ದರು. ಇದು, ದಂಪತಿಯ 2ನೇ ಮಗು.

‘ಎಕ್ಸ್‌’ನಲ್ಲಿ ಈ ಕುರಿತು ಮಾಹಿತಿ ಹಂಚಿಕೊಂಡಿರುವ ಲಾಲೂ ಪ್ರಸಾದ್, ‘ಮೊಮ್ಮಗಳು ಕಾತ್ಯಾಯಿನಿಯ ತಮ್ಮನಿಗೆ ಇರಾಜ್‌ ಲಾಲು ಯಾದವ್ ಎಂದು ನಾನು, ರಾಬ್ಡಿ ದೇವಿ ಹೆಸರಿಟ್ಟಿದ್ದೇವೆ’ ಎಂದು ತಿಳಿಸಿದ್ದಾರೆ.

ಕೋಲ್ಕತ್ತದಲ್ಲಿ ಮಂಗಳವಾರ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರೂ ಆಸ್ಪತ್ರೆಗೆ ಭೇಟಿ ನೀಡಿದ್ದು, ದಂಪತಿಗೆ ಶುಭ ಕೋರಿದ್ದರು.