ಕಾಶ್ಮೀರ: ಹಿಂಸೆ ಒಲ್ಲೆ ಎಂದು ಪೊಲೀಸರಿಗೆ ಶರಣಾದ ಐವರು ಯುವಕರು

ಶ್ರೀನಗರ:ಜಮ್ಮು ಮತ್ತು ಕಾಶ್ಮೀರದ ಕುಲಗಮ್‌ ಜಿಲ್ಲೆಯಲ್ಲಿ ಐವರು ತೀವ್ರವಾದಿಗಳು ಶನಿವಾರ ಹಿಂಸೆಯ ಮಾರ್ಗವನ್ನು ತ್ಯಜಿಸಿ ಶರಣಾಗಿದ್ದಾರೆ ಎಂದುಪೊಲೀಸರು ಹೇಳಿದರು.

ವಿವಿಧ ಭಯೋತ್ಪಾದಕ ಗುಂಪುಗಳಿಗೆ ಸೇರಿದ್ದ ಈ ಯುವಕರನ್ನು ಸಮಾಜದ ಮುಖ್ಯಧಾರೆಗೆ ಮರಳಿ ತರಲು ಪೊಲೀಸರು ಮತ್ತು ಅವರ ಕುಟುಂಬದ ಸದಸ್ಯರು ಸತತ ಪ್ರಯತ್ನ ನಡೆಸಿದ್ದರು.ಭದ್ರತೆಯ ದೃಷ್ಟಿಯಿಂದ ಅವರ ಹೆಸರಗಳನ್ನು ಬಹಿರಂಗಪಡಿಸಲು ಆಗುವುದಿಲ್ಲ ಎಂದು ಪೊಲೀಸರು ಮಾಹಿತಿ ನೀಡಿದರು.

ಕಳೆದ ಎರಡು ವರ್ಷಗಳಲ್ಲಿ ಕಾಶ್ಮೀರದಲ್ಲಿ ಹತ್ತಾರು ಭಯೋತ್ಪಾದಕರು ಶಸ್ತ್ರಾಸ್ತ್ರ ಕೆಳಗಿಟ್ಟು ಪೊಲೀಸರಿಗೆ ಶರಣಾಗಿದ್ದಾರೆ. ಗುಂಡಿನ ಚಕಮಕಿ ತೀವ್ರವಾಗಿದ್ದ ಸಮಯದಲ್ಲಿಯೂ ಶರಣಾಗಲು ಅವಕಾಶ ಕಲ್ಪಿಸಲಾಗಿತ್ತು. ಹಿಂಸಾ ಮಾರ್ಗದಿಂದ ಹೊರ ಬಂದ ಯುವಕರುತಮ್ಮ ಕುಟುಂಬಗಳಿಗೆ ಹಿಂದಿರುಗಿದ್ದಾರೆ.