ಮಿಜೋರಾಂನ ಚಂಫೈನಲ್ಲಿ ಶಸ್ತ್ರಾಸ್ತ್ರ ವಶ

ಐಜ್ವಾಲ್‌: ಮಿಜೋರಾಂನ ಚಂಫೈ ಜಿಲ್ಲೆಯಲ್ಲಿ ಶೋಧ ಕಾರ್ಯಾಚರಣೆ ನಡೆಸಿ ಅಪಾರ ಪ್ರಮಾಣದ ಮದ್ದುಗುಂಡುಗಳು, ಶಸ್ತ್ರಾಸ್ತ್ರಗಳನ್ನು ಅಸ್ಸಾಂ ರೈಫಲ್ಸ್‌ ವಶಪಡಿಸಿಕೊಂಡಿದೆ.

ಖಚಿತ ಮಾಹಿತಿ ಮೇರೆಗೆ ಸೈಕುಂಫೈ ಗ್ರಾಮದಲ್ಲಿ ಆಗಸ್ಟ್‌ 29ರಂದು ನಡೆಸಿದ ಶೋಧದಲ್ಲಿ ತಲಾ ಒಂದು 12–ಬೋರ್‌ ರೈಫಲ್‌, ಪಿಸ್ತೂಲ್‌, ಮದ್ದುಗುಂಡುಗಳು ಹಾಗೂ ಸ್ಫೋಟಕಗಳನ್ನು ಮನೆಯೊಂದರಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ಅರೆಸೇನಾ ಪಡೆಯು ಭಾನುವಾರ ತಿಳಿಸಿದೆ.

ಮನೆಯ ಸಮೀಪದ ಕಾಡಿನಲ್ಲೂ ಸೇನಾಪಡೆಯು ಶೋಧ ನಡೆಸಿದ್ದು, ಬೃಹತ್‌ ಪ್ರಮಾಣದಲ್ಲಿ ಶಸ್ತ್ರಾಸ್ತ್ರ, ಮದ್ದುಗುಂಡು ಹಾಗೂ ಸ್ಫೋಟಕಗಳನ್ನು ಅಡಗಿಸಿಟ್ಟಿದ್ದ ರಹಸ್ಯ ಸ್ಥಳವನ್ನು ಪತ್ತೆಹಚ್ಚಲಾಗಿದೆ ಎಂದಿದೆ.