ಮುಂಬೈ: 24 ತಾಸಿನಲ್ಲಿ 286 ಮಿ.ಮೀ ಮಳೆ

ಮುಂಬೈ: ಕಳೆದ 24 ಗಂಟೆಗಳಲ್ಲಿ ಮುಂಬೈನಲ್ಲಿ ಭಾರೀ ಮಳೆ ಸುರಿದಿದೆ. ಇದರಿಂದ ಹಲವೆಡೆ ರಸ್ತೆಗಳು ಜಲಾವೃತವಾಗಿದ್ದು, ವಾಹನ ಸಂಚಾರ ಅಸ್ತವ್ಯಸ್ತವಾಗಿದೆ.

ಸಾಂತಾಕ್ರೂಜ್‌ನಲ್ಲಿ 286.4 ಮಿ.ಮೀ ಮತ್ತು ದಕ್ಷಿಣ ಮಂಬೈನ ಕೊಲಾಬಾದಲ್ಲಿ 147.8 ಮಿ.ಮೀ ಮಳೆ ಸುರಿದಿದೆ. ಇದು ಈ ಮುಂಗಾರು ಋತುವಿನಲ್ಲಿ ಸುರಿದ ಅತ್ಯಧಿಕ ಮಳೆಯಾಗಿದೆ ಎಂದುಮುಂಬೈನ ಐಎಂಡಿ ಕೇಂದ್ರದ ಉಪ ಮಹಾನಿರ್ದೇಶಕ ಕೆ.ಎಸ್‌ ಹೊಸಲಿಕರ್‌ ಅವರು ತಿಳಿಸಿದರು.

ಮುಂಬೈ ಮತ್ತು ಉಪನಗರಗಳಲ್ಲಿ ಬುಧವಾರವೂ ಭಾರೀ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ನೆಚ್ಚರಿಕೆ ನೀಡಿದೆ.