ಜ್ವರ: ಡೊಭಾಲ್ ಮಾಸ್ಕೊ ಪ್ರವಾಸ ರದ್ದು

ನವದೆಹಲಿ‌: ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್‌ ಡೊಭಾಲ್ ಅವರ ಮಾಸ್ಕೊ ಪ್ರವಾಸವು ಜ್ವರದ ಕಾರಣಕ್ಕೆ ರದ್ದಾಗಿದೆ ಎಂದು ಮೂಲಗಳು ತಿಳಿಸಿವೆ.

ರಷ್ಯಾ ರಾಜಧಾನಿ ಮಾಸ್ಕೊ‌ದಲ್ಲಿ ಮೇ 27ರಿಂದ 29ರವರೆಗೆ ನಡೆಯಲಿರುವ ಭದ್ರತಾ ಸಮಸ್ಯೆಗಳಿಗೆ ಸಂಬಂಧಿಸಿದ ಉನ್ನತ ಪ್ರತಿನಿಧಿಗಳ 13ನೇ ಅಂತರರಾಷ್ಟ್ರೀಯ ಸಭೆಯಲ್ಲಿ ಭಾಗಿಯಾಗುವ ಸಲುವಾಗಿ ಡೊಭಾಲ್ ಅವರ ಪ್ರವಾಸ ನಿಗದಿಯಾಗಿತ್ತು.

ಜ್ವರದ ಕಾರಣಕ್ಕೆ ಡೊಭಾಲ್ ಅವರು ಸಭೆಯಲ್ಲಿ ಭಾಗಿಯಾಗಲು ಸಾಧ್ಯವಾಗುವುದಿಲ್ಲ ಎಂದು ಮೂಲಗಳು ತಿಳಿಸಿವೆ.