ಆಯುಷ್ಮಾನ್‌ ಭಾರತ: ಒಂದೇ ದಿನ 3 ಲಕ್ಷಕ್ಕೂ ಅಧಿಕ ಟೆಲಿ ಸಮಾಲೋಚನೆ

ನವದೆಹಲಿ: ಆಯುಷ್ಮಾನ್‌ ಭಾರತ–ಆರೋಗ್ಯ ಕೇಂದ್ರಗಳಲ್ಲಿ (ಎಬಿ–ಎಚ್‌ಡಬ್ಲ್ಯುಸಿ) ಶನಿವಾರ ಮೂರು ಲಕ್ಷಕ್ಕೂ ಹೆಚ್ಚು ಟೆಲಿಸಮಾಲೋಚನೆಗಳನ್ನು ನಡೆಸಿ, ಆರೋಗ್ಯ ಕುರಿತು ಸಲಹೆ, ಚಿಕಿತ್ಸೆ ನೀಡಲಾಗಿದೆ.

ಇದು ಒಂದೇ ದಿನ ನಡೆಸಿರುವ ಗರಿಷ್ಠ ಸಂಖ್ಯೆಯ ಟೆಲಿಸಮಾಲೋಚನೆಗಳಾಗಿವೆ. ಈ ಮೊದಲು ಒಂದೇ ದಿನ 1.8 ಲಕ್ಷ ಟೆಲಿಸಮಾಲೋಚನೆಗಳನ್ನು ನೆರವೇರಿಸಲಾಗಿತ್ತು ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.

ಆಯುಷ್ಮಾನ್‌ ಭಾರತ ಆರೋಗ್ಯ ಕೇಂದ್ರಗಳ ನಾಲ್ಕನೇ ವಾರ್ಷಿಕೋತ್ಸವ ಅಂಗವಾಗಿ ‘ಇ–ಸಂಜೀವಿನಿ’ ವೇದಿಕೆ ಮೂಲಕ ಈ ಟೆಲಿಸಮಾಲೋಚನೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.