ಭಾರತದ ಉತ್ಪನ್ನಗಳನ್ನು ಬಹಿಷ್ಕರಿಸಿ ಎಂದು ಕರೆ ನೀಡಿದ ಪಾಕ್ ಟ್ವೀಟಿಗರು

ನವದೆಹಲಿ: ಭಾರತದ ಉತ್ಪನ್ನಗಳನ್ನು ಬಹಿಷ್ಕರಿಸಿ ಎಂಬ ಕರೆ ನೀಡಿದ ಪಾಕಿಸ್ತಾನದ ಟ್ವೀಟಿಗರು #BoycottIndianProducts ಎಂಬ ಹ್ಯಾಶ್‌ಟ್ಯಾಗ್ ಟ್ರೆಂಡ್ ಮಾಡಿದ್ದಾರೆ.

ಭಾರತದ ಗಡಿ ನಿಯಂತ್ರಣ ರೇಖೆ ಬಳಿ ಇರುವ ಕಾಶ್ಮೀರದ ಜನರಿಗೆ ಬೆಂಬಲ ಸೂಚಿಸಿ ಪಾಕ್ ನೆಟ್ಟಿಗರು ಈ ಅಭಿಯಾನ ಶುರು ಮಾಡಿದ್ದಾರೆ.

ಅಮೂಲ್,ಬ್ರಿಟಾನಿಯಾ, ಪೀಟರ್ ಇಂಗ್ಲೆಂಡ್, ಲ್ಯಾಕ್ಮೆ, ಗೋದ್ರೆಜ್ , ಡಾಬರ್ ಮೊದಲಾದ ಉತ್ಪನ್ನಗಳನ್ನು ಬಳಸಬೇಡಿ ಎಂದು ಪಾಕ್ ನೆಟ್ಟಿಗರು ಹೇಳುತ್ತಿದ್ದಾರೆ.

ಸಿಂಧೂ ನದಿ ನೀರು ಬಳಸುವುದನ್ನು ನಿಲ್ಲಿಸಿ
ಭಾರತದ ಉತ್ಪನ್ನಗಳನ್ನು ಬಹಿಷ್ಕರಿಸಿ ಎಂಬ ಪಾಕ್ ನೆಟ್ಟಿಗರ ಕರೆಗೆ ಪ್ರತಿಕ್ರಿಯಿಸಿರುವ ಭಾರತದ ಟ್ವೀಟಿಗರು ಹಾಗಾದರೆ ನೀವು ಸಿಂಧೂ ನದಿ ನೀರು ಬಳಸುವುದನ್ನು ನಿಲ್ಲಿಸಿ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ವಿಶ್ವಸಂಸ್ಥೆ ಅರ್ಜಿಯಲ್ಲಿ ರಾಹುಲ್ ಗಾಂಧಿ ಹೆಸರು ಬಳಸಿದ ಪಾಕ್: ಕಾಂಗ್ರೆಸ್ ಕಿಡಿ