ದೇಶದ ಗಡಿಯನ್ನು ಪ್ರವೇಶಿದ ಪಾಕಿಸ್ತಾನದ ಪ್ರಜೆ ಬಂಧನ

ಜಮ್ಮು: ರಾಜೌರಿ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆ (ಎಲ್‌ಒಸಿ) ಬಳಿ ಶುಕ್ರವಾರ ದೇಶದ ಗಡಿಯನ್ನು ಪ್ರವೇಶಿದ ಪಾಕಿಸ್ತಾನದ ವ್ಯಕ್ತಿಯೊಬ್ಬರನ್ನು ಭಾರತೀಯ ಸೇನೆ ಬಂಧಿಸಿದೆ.

ಮಮೂದ್ ಅಲಿ (55) ಬಂಧಿತ ಪಾಕ್ ಪ್ರಜೆ.

‘ರಾಜೌರಿ ಜಿಲ್ಲೆಯ ತುರ್ಕುಂಡಿ ಪ್ರದೇಶದಲ್ಲಿ ಗಡಿಯನ್ನು ದಾಟಿದ ಪಾಕ್‌ ವ್ಯಕ್ತಿಯ ಅನುಮಾನಾಸ್ಪದ ಚಲನವಲನ ಗಮನಿಸಿದ ಭದ್ರತಾ ಪಡೆಗಳು ಆತನನ್ನು ಬಂಧಿಸಿವೆ. ಆರೋಪಿಯಿಂದ ಪಾಕಿಸ್ತಾನದ ನೋಟುಗಳು, ಕೊಡಲಿಯೊಂದನ್ನು ವಶಪಡಿಸಿಕೊಳ್ಳಲಾಗಿದ್ದು, ಆತನನ್ನು ಮಂಜಕೋಟೆ ಪೊಲೀಸ್‌ ಠಾಣೆಗೆ ಹಸ್ತಾಂತರಿಸಲಾಗಿದೆ' ಎಂದು ಅಧಿಕಾರಿಯೊಬ್ಬರು ತಿಳಿಸಿದರು.