ಮಹಾರಾಷ್ಟ್ರ: ಧೂಮಪಾನ ದಂಡದ ಜತೆ ಜೈಲು

ಮುಂಬೈ: ಮಹಾರಾಷ್ಟ್ರದಲ್ಲಿ ಇನ್ನು ಮುಂದೆ ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ, ಉಗುಳುವುದು ಮಾಡಿದರೆ ದಂಡದ ಜತೆಗೆ 6 ತಿಂಗಳು ಜೈಲು ವಾಸ ಅನುಭವಿಸಬೇಕಾಗುತ್ತದೆ.

ಭಾರತೀಯ ದಂಡ ಸಂಹಿತೆ (ಐಪಿಸಿ) ಮತ್ತು ಬಾಂಬೆ ಪೊಲೀಸ್ ಕಾಯ್ದೆಯ ಈ ಸಂಬಂಧ ನಿಯಮಗಳನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲು ಮಹಾರಾಷ್ಟ್ರದ ಆರೋಗ್ಯ ಇಲಾಖೆಯು ತೀರ್ಮಾನಿಸಿದೆ. ಅವರ ಪ್ರಕಾರ, ಇಂಥ ಲೋಪಗಳಿಗೆ ಮೊದಲ ಬಾರಿ ₹ 1000 ದಂಡ ವಿಧಿಸಲಿದ್ದು, ಒಂದು ದಿನ ಸಾರ್ವಜನಿಕ ಸೇವೆ ಮಾಡಬೇಕಾಗುತ್ತದೆ.

2ನೇ ಬಾರಿ ಲೋಪ ಎಸಗಿದ್ದರೆ ₹ 3000 ದಂಡ, ಮೂರು ದಿನ ಸೇವೆ ಹಾಗೂ 3ನೇ ಬಾರಿ ಲೋಪ ಎಸಗಿದ್ದರೆ, ₹ 5000 ದಂಡ ಮತ್ತು ಐದು ದಿನ ಸೇವೆ ಸಲ್ಲಿಸಬೇಕಾಗುತ್ತದೆ. ಇದರ ಜೊತೆಗೆ ಜೈಲು ಶಿಕ್ಷೆ ವಿಧಿಸಲೂ ಅವಕಾಶವಿದೆ.