ಮೈಸೂರು, ಕಲಬುರ್ಗಿಗೆ ಸಿಎನ್‌ಜಿ

ನವದೆಹಲಿ: ಮೈಸೂರು ಹಾಗೂ ಗುಲ್ಬರ್ಗಾ ಸೇರಿದಂತೆ ದೇಶದ 129 ಜಿಲ್ಲೆಗಳಲ್ಲಿ ಸಾಂದ್ರೀಕೃತ ನೈಸರ್ಗಿಕ ಅನಿಲ (ಸಿಎನ್‌ಜಿ) ಪೂರೈಕೆ ಮಾಡುವ 10ನೇ ಹಂತದ ಕಾಮಗಾರಿ ಆರಂಭಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಗುರುವಾರ ಶಿಲಾನ್ಯಾಸ ನೆರವೇರಿಸಿದರು.

2–3 ವರ್ಷಗಳಲ್ಲಿ ಕರ್ನಾಟಕ ಸೇರಿದಂತೆ 18 ರಾಜ್ಯಗಳಲ್ಲಿ ಅಡುಗೆ ಮನೆಗಳಿಗೆ ಪೈಪ್ ಮೂಲಕ ಗ್ಯಾಸ್ ಪೂರೈಕೆ ಮಾಡಲಾಗುತ್ತದೆ.

10ನೇ ಹಂತ ಪೂರ್ಣಗೊಂಡ ಬಳಿಕ 400 ಜಿಲ್ಲೆಗಳಲ್ಲಿ ಇಂಧನವಾಗಿ ನೈಸರ್ಗಿಕ ಅನಿಲ ಬಳಸಿದಂತಾಗುತ್ತದೆ. ಇದು ದೇಶದ ಶೇ 70ಷ್ಟು ಜನರನ್ನು ಒಳಗೊಳ್ಳಲಿದೆ. ಪರಿಸರಸ್ನೇಹಿ ಸೈಸರ್ಗಿಕ ಅನಿಲ ಬಳಕೆಯು ವಾತಾವರಣಕ್ಕೆ ಇಂಗಾಲದ ಹೊರಸೂಸುವಿಕೆಯನ್ನು ನಿಯಂತ್ರಿಸುತ್ತದೆ.

ಅಂಕಿ–ಅಂಶ

2 ಕೋಟಿ ಜನ

10ನೇ ಹಂತದ ಕಾಮಗಾರಿ ಪೂರ್ಣಗೊಂಡ ಬಳಿಕ ಬಳಕೆದಾರರ ಸಂಖ್ಯೆ

32 ಲಕ್ಷ ಜನ

ಪ್ರಸ್ತುತ ಅಡುಗೆ ಇಂಧನವಾಗಿ ಸಿಎನ್‌ಜಿ ಬಳಸುತ್ತಿರುವವರು