ರಾಜಸ್ಥಾನ: ಗುಜ್ಜರ್ ಬೇಡಿಕೆ ಪರಿಶೀಲನೆಗೆ ಸಂಪುಟ ಸಮಿತಿ

ಜೈಪುರ: ಗುಜ್ಜರ್‌ ಸೇರಿದಂತೆ ಅತ್ಯಂತ ಹಿಂದುಳಿದ ವರ್ಗಗಳ (ಎಂಬಿಸಿ) ಬೇಡಿಕೆಗಳ ಬಗ್ಗೆ ಪರಿಶೀಲಿಸಿ, ಪರಿಹಾರ ಕ್ರಮಗಳನ್ನು ಶಿಫಾರಸು ಮಾಡಲು ರಾಜಸ್ಥಾನ ಸರ್ಕಾರವು ಮೂವರು ಸದಸ್ಯರ ಸಂಪುಟ ಸಮಿತಿಯನ್ನು ರಚಿಸಿದೆ.

ರಾಜ್ಯದ ಕಾನೂನು ಸಚಿವ ಜೋಗರಾಮ್‌ ಪಟೇಲ್‌, ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವ ಅವಿನಾಶ್‌ ಗೆಹಲೋತ್‌, ಗೃಹ ಸಚಿವ ಜವಾಹರ್‌ ಸಿಂಗ್‌ ಬೆಧಾಮ್‌ ಅವರು ಸಮಿತಿ ಸದಸ್ಯರಾಗಿದ್ದಾರೆ.

ಜವಾಹರ್‌ ಸಿಂಗ್‌ ಅವರು ಗುಜ್ಜರ್‌ ಸಮುದಾಯಕ್ಕೆ ಸೇರಿದವರಾಗಿದ್ದು, ಇದಕ್ಕೂ ಮುನ್ನ ನಡೆದ ಚಳವಳಿಗಳಲ್ಲಿ ಭಾಗಿಯಾಗಿದ್ದರು.