ಬಿಸಿಗಾಳಿಗೆ ರಾಜಸ್ಥಾನ ತತ್ತರ: 13 ಜಿಲ್ಲೆಗಳಲ್ಲಿ 47 ಡಿಗ್ರಿಗೂ ಅಧಿಕ ತಾಪಮಾನ

ಜೈಪುರ: ರಾಜಸ್ಥಾನವು ಗಂಭೀರ ಬಿಸಿ ಗಾಳಿಯ ಹೊಡೆತಕ್ಕೆ ಸಿಲುಕಿದೆ. ಹತ್ತಿರತ್ತಿರ ಎಲ್ಲ ಜಿಲ್ಲೆಗಳಲ್ಲೂ ಕಳೆದ 24 ಗಂಟೆಗಳಲ್ಲಿ ಗರಿಷ್ಠ ತಾಪಮಾನ 45 ಡಿಗ್ರಿ ಸೆಲ್ಸಿಯಸ್ ದಾಟಿದೆ.

33 ಜಿಲ್ಲೆಗಳ ಪೈಕಿ 13ರಲ್ಲಿ 47 ಡಿಗ್ರಿ ಸೆಲ್ಸಿಯಸ್ ಗರಿಷ್ಠ ತಾಪಮಾನ ದಾಖಲಾಗಿದೆ. ಸೂರ್ಯನ ತೀವ್ರ ಶಾಖದಿಂದಾಗಿ ಜನರು ಮನೆ ಬಿಟ್ಟು ಹೊರಬರಲು ಹೆದರುತ್ತಿದ್ದಾರೆ.

ಶ್ರೀಗಂಗಾನಗರದಲ್ಲಿ ಅತ್ಯಧಿಕ ಗರಿಷ್ಠ ತಾಪಮಾನ 48.1 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ. ಕರೌಲಿ ಮತ್ತು ಬರಾನ್‌ನಲ್ಲಿ 47.8 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದ್ದು, ರಾಜ್ಯದಲ್ಲಿ ಅತ್ಯಧಿಕ ತಾಪಮಾನ ದಾಖಲಾದ 3 ಪ್ರದೇಶಗಳಾಗಿವೆ.

ಇದನ್ನೂ ಓದಿ..ಬಿಸಿಗಾಳಿಯಲ್ಲಿ ಬೇಯುತ್ತಿದೆ ದೆಹಲಿ: 47 ಡಿಗ್ರಿ ಸೆಲ್ಸಿಯಸ್‌ಗೆ ಏರಿಕೆ ಸಾಧ್ಯತೆ

ಪಿಲಾನಿಯಲ್ಲಿ 47.7 ಡಿಗ್ರಿ, ಜೈಸಲ್ಮೇರ್‌ನಲ್ಲಿ 47,5 ಡಿಗ್ರಿ, ಬಿಕನೇರ್‌ನಲ್ಲಿ 47.4, ಧೋಲ್‌ಪುರ್‌ನಲ್ಲಿ 47.6, ಬುಡಿಯಲ್ಲಿ 47, ಕೋಟದಲ್ಲಿ 47.2 ಮತ್ತು ಹನುಮಾನ್‌ಗಡದಲ್ಲಿ 47.1 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ.

ಮುಂದಿನ 24 ಗಂಟೆಗಳ ಅವಧಿಯಲ್ಲಿ ಜೈಪುರದಲ್ಲಿ ಬಿರುಸಾದ ಗಾಳಿ ಬೀಸಲಿದ್ದು, ತಾಪಮಾನ ಎರಡರಿಂದ ಮೂರು ಡಿಗ್ರಿ ಇಳಿಯುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಓದಿ...‘ಪಾತಾಳ’ ಹಾಡಿನಲ್ಲಿ ಕೇಂದ್ರ ಸರ್ಕಾರವನ್ನು ಅಣಕಿಸಿದ ಆರೋಪ; ಕಮಲ್ ವಿರುದ್ಧ ದೂರು