ರಕ್ಷಾ ಬಂಧನ: ಪ್ರಿಯಾಂಕಾ ಜೊತೆಗಿನ ಬಾಲ್ಯದ ಫೋಟೊಗಳನ್ನು ಹಂಚಿಕೊಂಡ ರಾಹುಲ್‌ ಗಾಂಧಿ

ರಕ್ಷಾ ಬಂಧನದ ಹಿನ್ನೆಲೆಯಲ್ಲಿ ಸಹೋದರಿ ಪ್ರಿಯಾಂಕಾ ಜೊತೆಗಿನ ಬಾಲ್ಯದ ಫೋಟೊಗಳನ್ನು ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಇನ್‌ಸ್ಟಾಗ್ರಾಮ್‌ನಲ್ಲಿ ಭಾನುವಾರ ಹಂಚಿಕೊಂಡಿದ್ದಾರೆ.

ಫೋಟೊಗಳೊಂದಿಗೆ ಪ್ರಿಯಾಂಕಾ ಕುರಿತು ಪುಟ್ಟ ಟಿಪ್ಪಣಿಯೊಂದನ್ನು ಬರೆದಿರುವ ರಾಹುಲ್‌, 'ಸಹೋದರಿಯು ನನಗೆ ನೀಡಿದ ಪ್ರೀತಿ ಮತ್ತು ಬೆಂಬಲಕ್ಕಾಗಿ ಆಕೆಗೆ ನನ್ನ ಜೀವನದಲ್ಲಿ ವಿಶೇಷ ಸ್ಥಾನವಿದೆ. ನಾವು ಪರಸ್ಪರ ಸ್ನೇಹಿತರು ಮತ್ತು ರಕ್ಷಕರು' ಎಂದು ಹಿಂದಿಯಲ್ಲಿ ಪೋಸ್ಟ್‌ ಮಾಡಿದ್ದಾರೆ.

'ರಕ್ಷಾ ಬಂಧನದ ಸಂದರ್ಭದಲ್ಲಿ ನಿಮ್ಮೆಲ್ಲರಿಗೂ ಶುಭಾಶಯಗಳು' ಎಂದೂ ರಾಹುಲ್‌ ತಿಳಿಸಿದ್ದಾರೆ.