ರೈಲ್ವೆ ಮಂಡಳಿ ನೂತನ ಚೇರಮನ್‌ ಸುನೀತ್‌ ಶರ್ಮಾ
Published 31 ಡಿಸೆಂಬರ್ 2020, 15:33 IST
ಲಾಂಛನ
ನವದೆಹಲಿ: ರೈಲ್ವೆ ಮಂಡಳಿಯ ನೂತನ ಚೇರಮನ್‌ ಹಾಗೂ ಸಿಇಒ ಆಗಿ ಸುನೀತ್‌ ಶರ್ಮಾ ಅವರನ್ನು ಗುರುವಾರ ನೇಮಕ ಮಾಡಲಾಗಿದೆ. ಅವರು ಪೂರ್ವ ರೈಲ್ವೆಯ ಪ್ರಧಾನ ವ್ಯವಸ್ಥಾಪಕರಾಗಿ ಕಾರ್ಯನಿರ್ವಹಿಸಿದ್ದರು.
ಹಾಲಿ ಚೇರಮನ್‌ ವಿ.ಕೆ.ಯಾದವ್ ಅವರ ಸೇವಾವಧಿಯನ್ನು ಕಳೆದ ಜನವರಿಯಲ್ಲಿ ವಿಸ್ತರಿಸಲಾಗಿತ್ತು. 1978ನೇ ಬ್ಯಾಚ್‌ನ ಸ್ಪೇಷಲ್‌ ಕ್ಲಾಸ್‌ ರೈಲ್ವೆ ಅಪ್ರೆಂಟಿಸ್‌ ಅಧಿಕಾರಿಯಾಗಿರುವ ಶರ್ಮಾ ಅವರು ರೈಲ್ವೆ ವಿಭಾಗೀಯ ಕಚೇರಿ, ವರ್ಕ್‌ಶಾಪ್‌ಗಳು, ಡೀಸೆಲ್‌ ಲೋಕೊ ಶೆಡ್‌ಗಳು ಸೇರಿದಂತೆ ರೈಲ್ವೆಯ ವಿವಿಧ ವಿಭಾಗಗಳಲ್ಲಿ 34 ವರ್ಷ ಸೇವೆ ಸಲ್ಲಿಸಿದ್ದಾರೆ.
ರೈಲ್ವೆ ಕಾರ್ಯಾಗಾರಗಳ ನಿರ್ವಹಣೆ ಕುರಿತು ಜರ್ಮನಿ ಮತ್ತು ಫ್ರಾನ್ಸ್‌ನಲ್ಲಿ ತರಬೇತಿ ಪಡೆದಿದ್ದಾರೆ ಅಮೆರಿಕದ ಕಾರ್ನಿಗಿ ಮೆಲ್ಲಾನ್‌ ಯೂನಿವರ್ಸಿಟಿ, ಟೆಹರಾನ್‌ಗಳಲ್ಲಿ ಸಹ ತರಬೇತಿ ಪಡೆದಿದ್ದಾರೆ ಎಂದು ಮೂಲಗಳು ಹೇಳಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.