ನಾಳೆಯಿಂದ ಆಯ್ದ ನಗರಗಳಿಗೆ ರೈಲು ಸೇವೆ

ನವದೆಹಲಿ: ಮೇ 12ರಿಂದ ಆಯ್ದ ನಗರಗಳಿಗೆ ರೈಲು ಸೇವೆಯನ್ನು ಆರಂಭಿಸುವುದಾಗಿ ಭಾರತೀಯ ರೈಲ್ವೆ ಭಾನುವಾರ ತಿಳಿಸಿದೆ.

ಮಂಗಳವಾರದಿಂದ 15 ಜೋಡಿ ರೈಲುಗಳನ್ನು ಆರಂಭಿಸಲಾಗುವುದು. ನವದೆಹಲಿಯಿಂದ ದಿಬ್ರುಗಡ, ಅಗರ್ತಲಾ, ಹೌರಾ, ಪಟ್ನಾ, ಬಿಲಾಸ್‌ಪುರ, ರಾಂಚಿ, ಭುವನೇಶ್ವರ, ಸಿಕಂದರಾಬಾದ್‌, ಬೆಂಗಳೂರು, ಚೆನ್ನೈ, ತಿರುವನಂತಪುರ, ಮಡಗಾಂವ್‌, ಮುಂಬೈ, ಅಹಮದಾಬಾದ್‌ ಹಾಗೂ ಜಮ್ಮುತಾವಿಗೆ ರೈಲು ಸಂಪರ್ಕ ಆರಂಭವಾಗಲಿದೆ.

ಸೋಮವಾರ ಸಂಜೆ 4 ಗಂಟೆಯ ನಂತರ ಐಆರ್‌ಸಿಟಿಸಿ (ವೆಬ್‌ಸೈಟ್‌: http://www.irctc.co.in/) ಮೂಲಕ ಮಾತ್ರ ಟಿಕೆಟ್‌ ಕಾಯ್ದಿರಿಸಲು ಅವಕಾಶ ಇರುತ್ತದೆ ಎಂದು ಇಲಾಖೆ ತಿಳಿಸಿದೆ.