ಸತ್ಯವನ್ನು ಸೋಲಿಸಲಾಗದು: ಪೈಲಟ್‌

ನವದೆಹಲಿ: ‘ಸತ್ಯವನ್ನು ತಿರುಚಬಹುದು ಆದರೆ ಸೋಲಿಸಲಾಗದು’ ಎಂದು ರಾಜಸ್ಥಾನದ ಉಪಮುಖ್ಯಮಂತ್ರಿ ಹುದ್ದೆ ಹಾಗೂ ಕಾಂಗ್ರೆಸ್‌ ಅಧ್ಯಕ್ಷಸ್ಥಾನದಿಂದ ಉಚ್ಚಾಟನೆಗೊಂಡಿರುವ ಕಾಂಗ್ರೆಸ್‌ ನಾಯಕ ಸಚಿನ್‌ ಪೈಲಟ್‌ ಟ್ವೀಟ್‌ ಮಾಡಿದ್ದಾರೆ.

ಈ ಹುದ್ದೆಗಳಿಂದ ಉಚ್ಚಾನೆಗೊಳ್ಳುತ್ತಿದ್ದಂತೆಯೇ ಸಚಿನ್‌ ಅವರು ತಮ್ಮ ಟ್ವಿಟರ್‌ ಖಾತೆಯಿಂದ, ತಾನು ಹಿಂದೆ ನಿರ್ವಹಿಸಿದ್ದ ಹುದ್ದೆಗಳನ್ನು ಕುರಿತ ಎಲ್ಲಾ ಮಾಹಿತಿಯನ್ನೂ ತೆಗೆದುಹಾಕಿದ್ದಾರೆ. ಬದಲಿಗೆ, ‘ಶಾಸಕ ಮತ್ತು ಮಾಹಿತಿ ತಂತ್ರಜ್ಞಾನ, ಟೆಲಿಕಾಂ ಹಾಗೂ ಕಾರ್ಪೊರೇಟ್‌ ವ್ಯವಹಾರಗಳ ಮಾಜಿ ಸಚಿವ’ ಎಂಬ ಮಾಹಿತಿಯನ್ನು ಮಾತ್ರ ಉಳಿಸಿದ್ದಾರೆ.