ಉತ್ತರ ಪ್ರದೇಶ: 476 ಬ್ಲಾಕ್‌ ಪಂಚಾಯಿತಿ ಅಧ್ಯಕ್ಷರ ಸ್ಥಾನಗಳಿಗಾಗಿ ಮತದಾನ

ಲಖನೌ: ಉತ್ತರ ಪ್ರದೇಶದಲ್ಲಿ 476 ಬ್ಲಾಕ್‌ ಪಂಚಾಯಿತಿ ಅಧ್ಯಕ್ಷರ ಸ್ಥಾನಗಳಿಗೆ ಶನಿವಾರ ಮತದಾನ ನಡೆಯಿತು ಎಂದು ರಾಜ್ಯ ಚುನಾವಣಾ ಆಯೋಗವು ತಿಳಿಸಿದೆ.

‘ಬೆಳಿಗ್ಗೆ 11 ಗಂಟೆಯಿಂದ ಮಧ್ಯಾಹ್ನ 3ರ ತನಕ ಮತದಾನ ನಡೆಯಿತು’ ಎಂದು ಆಯೋಗ ಹೇಳಿದೆ.

‘349 ಅಭ್ಯರ್ಥಿಗಳುಶುಕ್ರವಾರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ’ ಎಂದು ಆಯೋಗವು ಹೇಳಿದೆ.

‘825 ಬ್ಲಾಕ್‌ ಪಂಚಾಯಿತಿ ಅಧ್ಯಕ್ಷರ ಹುದ್ದೆಗಳಿಗಾಗಿ 1,778 ನಾಮಪತ್ರಗಳು ಸಲ್ಲಿಕೆಯಾಗಿದ್ದವು. ಅದರಲ್ಲಿ 187 ಮಂದಿ ನಾಮಪತ್ರ ಹಿಂಪಡೆದರೆ, 68 ಮಂದಿಯ ನಾಮಪತ್ರವನ್ನು ರದ್ದುಗೊಳಿಸಲಾಗಿದೆ. ಹಾಗಾಗಿ ಈ ಚುನಾವಣೆಯಲ್ಲಿ ಒಟ್ಟು 1,710 ಮಂದಿ ಸ್ಪರ್ಧಿಸಿದ್ದರು’ ಎಂದು ರಾಜ್ಯ ಚುನಾವಣಾ ಆಯುಕ್ತ ಮನೋಜ್‌ ಕುಮಾರ್‌ ಹೇಳಿದ್ದಾರೆ.

‘ಅವಿರೋಧವಾಗಿ ಆಯ್ಕೆಯಾದ 349 ಅಭ್ಯರ್ಥಿಗಳ ಪೈಕಿ 334 ಮಂದಿ ಆಡಳಿತರೂಢ ಪಕ್ಷಕ್ಕೆ ಸೇರಿದವರು’ ಎಂದು ಬಿಜೆಪಿ ನಾಯಕರೊಬ್ಬರು ತಿಳಿಸಿದರು.