ಮಿಷೆಲ್‌ನ ಉದ್ಯಮ ಪಾಲುದಾರಗೆ ಸಮನ್ಸ್
Published 9 ಮೇ 2019, 18:37 IST
ನವದೆಹಲಿ: ಅಗಸ್ಟಾ ವೆಸ್ಟ್‌ ಲ್ಯಾಂಡ್‌ ಹೆಲಿಕಾಪ್ಟರ್ ಖರೀದಿ ಹಗರಣಕ್ಕೆ ಸಂಬಂಧಿಸಿದಂತೆ ಶಂಕಿತ ಮಧ್ಯವರ್ತಿ ಡೇವಿಡ್‌ ನೈಗೆಲ್‌ ಜಾನ್‌ ಸೈಮ್ಸ್‌ಗೆ ದೆಹಲಿಯ ಕೋರ್ಟ್ ಗುರುವಾರ ಹೊಸದಾಗಿ ಸಮನ್ಸ್ ಜಾರಿ ಮಾಡಿದೆ.
ಈತ ಪ್ರಕರಣದ ಶಂಕಿತ ಆರೋಪಿ ಕ್ರಿಶ್ಚಿಯನ್‌ ಮಿಷೆಲ್‌ನ ಉದ್ಯಮ ಪಾಲುದಾರನೆಂದು ಆರೋಪಿಸಲಾಗಿದೆ.
ವಿಶೇಷ ನ್ಯಾಯಾಧೀಶ ಅರವಿಂದ್‌ ಕುಮಾರ್‌ ಅವರು ಡೇವಿಡ್‌ಗೆ ಸಮನ್ಸ್ ಜಾರಿ ಮಾಡಿದ್ದು, ನ್ಯಾಯಾಲಯಕ್ಕೆ ಹಾಜರಾಗುವಂತೆ ಸೂಚಿಸಿದ್ದಾರೆ. ಗ್ಲೋಬಲ್ ಸರ್ವಿಸಸ್‌ ಎಫ್‌ಝೆಡ್‌ಇ, ಗ್ಲೋಬಲ್ ಟ್ರೇಡರ್ಸ್‌ ಕಂಪನಿಗಳ ವಿರುದ್ಧ ಹಾಗೂ ಡೇವಿಡ್‌ನ ವಿರುದ್ಧವೂ ಆರೋಪಪಟ್ಟಿ ಸಲ್ಲಿಸಲಾಗಿತ್ತು. ಡೇವಿಡ್‌ ಹಾಗೂ ಮಿಷೆಲ್‌ ಈ ಎರಡು ಕಂಪನಿಗಳ ನಿರ್ದೇಶಕರಾಗಿದ್ದಾರೆ.
ದುಬೈನಿಂದ ಹಸ್ತಾಂತರಗೊಂಡ ಮೈಕಲ್‌ನನ್ನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಬಂಧಿಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.