ಪೊಲೀಸ್‌ ಹುದ್ದೆಗೆ ಬಬಿತಾ ಪೋಗಟ್‌ ರಾಜೀನಾಮೆ

ಚಂಡೀಗಡ: ಅಂತರರಾಷ್ಟ್ರೀಯ ಕುಸ್ತಿಪ‍ಟು ಬಬಿತಾ ಪೋಗಟ್‌ ಅವರು ಹರಿಯಾಣ ಪೊಲೀಸ್‌ನ ಸಬ್‌ ಇನ್‌ಸ್ಪೆಕ್ಟರ್‌ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ.

29 ವರ್ಷದ ಬಬಿತಾ ಅವರು ಆಗಸ್ಟ್‌ನಲ್ಲಿ ಬಿಜೆಪಿಗೆ ಸೇರ್ಪಡೆಗೊಂಡಿದ್ದರು. ಮುಂಬರುವ ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಅವರು ಸ್ಪರ್ಧಿಸುವ ಸಾಧ್ಯತೆ ಇದೆ. ಚರಖಿ ದಾದರಿ ಜಿಲ್ಲೆಯ ಬದರಾ ಅಥವಾ ದಾದರಿ ಕ್ಷೇತ್ರದಿಂದ ಬಬಿತಾ ಅವರಿಗೆ ಬಿಜೆಪಿ ಟಿಕೆಟ್‌ ನೀಡುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.