ಯೋಗಿ ಆದಿತ್ಯನಾಥಗೆ ಪ್ರಶಂಸೆ: ಸಮಾಜವಾದಿ ಪಕ್ಷದಿಂದ ಶಾಸಕಿ ಪೂಜಾ ಪಾಲ್‌ ವಜಾ

ಲಖನೌ: ಪಕ್ಷ ವಿರೋಧಿ ಚಟುವಟಿಕೆಗಳ ಆರೋಪದ ಮೇಲೆ ಶಾಸಕಿ ಪೂಜಾ ಪಾಲ್ ಅವರನ್ನು ಸಮಾಜವಾದಿ ಪಕ್ಷದಿಂದ (ಎಸ್‌ಪಿ)ಹೊರ ಹಾಕಲಾಗಿದೆ.

ವಿಧಾನಸಭೆ ಅಧಿವೇಶನದಲ್ಲಿ ಗ್ಯಾಂಗ್‌ಸ್ಟಾರ್ ಹಾಗೂ ರಾಜಕಾರಣಿ ಅತೀಕ್ ಅಹ್ಮದ್ ಸೇರಿದ ಅಕ್ರಮ ಸಾಮ್ರಾಜ್ಯವನ್ನು ದೂಳೀಪಟ ಮಾಡಿದ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಸರ್ಕಾರವನ್ನು ಪೂಜಾ ಪಾಲ್ ಪ್ರಶಂಸಿಸಿದ್ದರು.

ಇದಾದ ಕೆಲವೇ ಗಂಟೆಗಳಲ್ಲಿ ಪೂಜಾ ಪಾಲ್ ಅವರ ಮೇಲೆ ಕ್ರಮ ಕೈಗೊಳ್ಳಲಾಗಿದೆ.

ಪೂಜಾ ಪಾಲ್ ಅವರಿಗೆ ಪದೇ ಪದೇ ಎಚ್ಚರಿಕೆ ನೀಡಿದರೂ ಪಕ್ಷದ ಹಿತಾಸಕ್ತಿಗೆ ವಿರುದ್ಧವಾಗಿ ಕೆಲಸ ಮಾಡಿದ ಆರೋಪ ಮೇಲೆ ಹೊರಹಾಕಲಾಗಿದೆ ಎಂದು ತಿಳಿಸಲಾಗಿದೆ.

ಪೂಜಾ ಪಾಲ್‌ ವಿರುದ್ಧ ಸಮಾಜವಾದಿ ಪಕ್ಷವು ಶಿಸುಕ್ರಮ ಕೈಗೊಂಡಿರುವುದು ಮಹಿಳಾ ವಿರೋಧಿ ನಡೆಯಾಗಿದೆ ಎಂದು ಉಪಮುಖ್ಯಮಂತ್ರಿ ಬೃಜೇಶ್‌ ಪಾಠಕ್‌ ಆರೋಪಿಸಿದ್ದಾರೆ.