ಶಂಕಿತ ನಕ್ಸಲ್ ಮಹಿಳೆಗೆ ಜಾಮೀನು

ಮೈಸೂರು: ನಕ್ಸಲ್ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿದ್ದ ಆರೋಪದ ಮೇಲೆ ಬಂಧಿತರಾಗಿ ನಗರದ ಕೇಂದ್ರ ಕಾರಾಗೃಹದಲ್ಲಿ ವಿಚಾರಣಾಧೀನ ಕೈದಿಯಾಗಿದ್ದ ಶಿವಮೊಗ್ಗದ ಆಶಾ ಹೈಕೋರ್ಟ್ ಜಾಮೀನಿನ ಮೇಲೆ ಮಂಗಳವಾರ ಬಿಡುಗಡೆಯಾದರು.

ಉಡುಪಿಯಲ್ಲಿ 2, ಶಿವಮೊಗ್ಗದಲ್ಲಿ ಒಂದು ಪ್ರಕರಣ ಈಕೆಯ ಮೇಲೆ ಇತ್ತು. ಶಿವಮೊಗ್ಗ ಪ್ರಕರಣ ಖುಲಾಸೆಯಾಗಿತ್ತು. ಆಶಾ ಪತಿ ನಂದಕುಮಾರ್ ಇದೇ ಆರೋಪದ ಮೇರೆಗೆ ಬಂಧಿತರಾಗಿದ್ದು, ನಗರದ ಕೇಂದ್ರ ಕಾರಾಗೃಹದಲ್ಲಿ ವಿಚಾರಣಾಧೀನ ಕೈದಿಯಾಗಿದ್ದಾರೆ.

2010ರ ಜ. 1ರಿಂದ ಆಶಾ ಅವರು ನಗರ ಕೇಂದ್ರ ಕಾರಾಗೃಹದಲ್ಲಿ ಕೈದಿಯಾಗಿದ್ದರು ಎಂದು ಮುಖ್ಯ ಅಧೀಕ್ಷಕ ಪಿ.ಎನ್. ಜಯಸಿಂಹ ತಿಳಿಸಿದರು.