ಹಿರಿಯ ವಿಜ್ಞಾನಿ ವಾಸುದೇವ ಪೈ

ಮಂಗಳೂರು: ಹಿರಿಯ ವಿಜ್ಞಾನಿ ಡಾ.ವಾಸುದೇವ ಪೈ (89) ಶನಿವಾರ ನಗರದ ತಮ್ಮ ಸ್ವಗೃಹದಲ್ಲಿ ನಿಧನರಾದರು. ಅವರಿಗೆ ವೈದ್ಯೆ ಪುತ್ರಿ ಡಾ.ವತ್ಸಲಾ ಕಾಮತ್‌, ಇಬ್ಬರು ಪುತ್ರರು ಇದ್ದಾರೆ.

ಪಿಎಚ್‌ಡಿ ಪದವೀಧರರಾಗಿದ್ದ ಅವರು, ಕೇಂದ್ರೀಯ ಸಾಗರ ಮೀನುಗಾರಿಕೆ ಸಂಶೋಧನಾ ಸಂಸ್ಥೆಯಲ್ಲಿ (ಸಿಎಂಎಫ್‍ಐ) ದೇಶದ ವಿವಿಧೆಡೆ ಸೇವೆ ಸಲ್ಲಿಸಿದ್ದರು. ನಗರದಲ್ಲಿ ವಿಶ್ರಾಂತ ಜೀವನ ನಡೆಸುತ್ತಿದ್ದ ಅವರು, ಕೆಲ ಕಾಲದಿಂದ ಅಸ್ವಸ್ಥರಾಗಿದ್ದರು.