ಕೊಲ್ಲೂರು ದೇವಿಗೆ 1 ಕೆ.ಜಿ ತೂಕದ ಚಿನ್ನದ ಖಡ್ಗ

ಕುಂದಾಪುರ: ಕೊಲ್ಲೂರಿನ ಮೂಕಾಂಬಿಕಾ ದೇವಸ್ಥಾನದ ಮೂಕಾಂಬಿಕಾ ದೇವಿಗೆ ಬುಧವಾರ ತಮಿಳುನಾಡಿನ ಕೊಯಮತ್ತೂರಿನ ವಿಮಲ್‌ಕುಮಾರ ಎಂಬುವವರು 1 ಕೆ.ಜಿ ತೂಕದ ಚಿನ್ನದ ಖಡ್ಗವನ್ನು ಸಮರ್ಪಣೆ ಮಾಡಿದರು.

ಭಕ್ತರು ಕಾಣಿಕೆಯಾಗಿ ನೀಡಿದ ಖಡ್ಗವನ್ನು ಸ್ವೀಕರಿಸಿದ ಬಳಿಕ ಅವರನ್ನು ದೇವಸ್ಥಾನದ ವತಿಯಿಂದ ಗೌರವಿಸಲಾಯಿತು. ಕಾರ್ಯನಿರ್ವಹಣಾಧಿಕಾರಿ ಎಚ್‌.ಹಾಲಪ್ಪ, ವ್ಯವಸ್ಥಾಪನಾ ಸಮಿತಿ ಸದಸ್ಯ ವಂಡಬಳ್ಳಿ ಜಯರಾಮ್‌ ಶೆಟ್ಟಿ, ಜಯಂತಿ ವಿಜಯ್‌ಕೃಷ್ಣ, ನರಸಿಂಹ ಹಳಗೇರಿ, ಅರ್ಚಕ ಸುರೇಶ್‌ ಭಟ್‌ ಹಾಗೂ ಉದ್ಯಮಿ ವಿಜಯ್‌ಕೃಷ್ಣ ಬೆಂಗಳೂರು ಇದ್ದರು.