ಸಚಿವರ ಪಟ್ಟಿ ಅಮಿತ್ ಶಾ ಕೈಗೆ

ಬೆಂಗಳೂರು: ‘ಸಂಭಾವ್ಯ ಸಚಿವರ ಪಟ್ಟಿಯನ್ನು ತನ್ನಿ, ಅದನ್ನು ನಾವು ಅಂತಿಮಗೊಳಿಸುತ್ತೇವೆ’ ಎಂದು ಬಿಜೆ‍ಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ರಾಜ್ಯ ಬಿಜೆಪಿ ನಾಯಕರಿಗೆ ತಿಳಿಸಿದ್ದಾರೆ.

ಗುರುವಾರ ರಾತ್ರಿ ಶಾ ಅವರನ್ನು ಭೇಟಿ ಮಾಡಿದ ಕೆ.ಜೆ.ಬೋಪಯ್ಯ ಮತ್ತು ಜೆ.ಸಿ.ಮಾಧುಸ್ವಾಮಿ ಅವರಿಗೆ ಈ ಸೂಚನೆ ನೀಡಿದ್ದಾರೆ.

ಇದರಿಂದ ಸಚಿವರಾಗುವವರ ಭವಿಷ್ಯ ಈಗ ಶಾ ಅವರ ಕೈಯಲ್ಲಿದೆ. ಲಾಬಿಗೆ ಅವಕಾಶವಿಲ್ಲ. ಅರ್ಹತೆ, ಪ್ರಾಮಾಣಿಕತೆ, ಸಚ್ಚಾರಿತ್ರ್ಯವುಳ್ಳವರಿಗೇ ಆದ್ಯತೆ ಸಿಗಲಿದೆ ಎನ್ನಲಾಗಿದೆ.