ಚಿಕ್ಕಮಗಳೂರು | ಮೂವರಿಗೆ ಸೋಂಕು ಪತ್ತೆ: ಸಕ್ರಿಯ ಪ್ರಕರಣ 25

ಚಿಕ್ಕಮಗಳೂರು: ಕಾಫಿನಾಡಿನಲ್ಲಿ ಭಾನುವಾರ ಮೂವರಿಗೆ ಕೋವಿಡ್‌–19 ದೃಢಪಟ್ಟಿದೆ, ಸಕ್ರಿಯ ಪ್ರಕರಣಗಳ ಸಂಖ್ಯೆ 25ಕ್ಕೆ ಏರಿದೆ.
ಚಿಕ್ಕಮಗಳೂರಿನ ರಾಮನಹಳ್ಳಿಯ 44 ವರ್ಷದ ಪುರುಷ (ಪಿ–11946), ದೋಣಿಖಣದ 37 ವರ್ಷದ ಪುರುಷ (ಪಿ–11947) ಹಾಗೂ ತಾಲ್ಲೂಕಿನ ಮೂಗ್ತಿಹಳ್ಳಿಯ 35 ವರ್ಷದ ಪುರುಷಗೆ (ಪಿ–11945) ಸೋಂಕು ಪತ್ತೆಯಾಗಿದೆ.

ಮೂವರನ್ನೂ ಚಿಕ್ಕಮಗಳೂರಿನ ಕೋವಿಡ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪಿ–11946ಮತ್ತು ಪಿ–11947 ಇಬ್ಬರೂ ಬೆಂಗಳೂರಿಗೆ ಹೋಗಿ ಬಂದವರು. ಪ್ರಾಥಮಿಕ ಸಂಪರ್ಕದಲ್ಲಿದ್ದವರ ಮಾಹಿತಿ ಕಲೆ ಹಾಕುತ್ತಿದ್ದೇವೆ, 10ಕ್ಕೂ ಹೆಚ್ಚು ಮಂದಿಯನ್ನು ಕ್ವಾರಂಟೈನ್‌ ಮಾಡಲಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.