ನಮ್ಮ ತೀರ್ಮಾನ ಪ್ರಧಾನಿಗೆ ಅರ್ಥವಾಗಲ್ಲ

ಬೆಂಗಳೂರು: ‘ದೇಶದಲ್ಲಿ 70 ವರ್ಷಗಳಲ್ಲಿ ಏನೂ ಅಭಿವೃದ್ಧಿಯಾಗಿಲ್ಲ. 55 ತಿಂಗಳಲ್ಲಿ ನಾವೇ ಎಲ್ಲ ಅಭಿವೃದ್ಧಿ ಮಾಡಿದ್ದೇವೆ ಎಂದು ಪ್ರಧಾನಿ ಮೋದಿ ಹೇಳಿಕೊಂಡು ತಿರುಗಾಡುತ್ತಿದ್ದಾರೆ. ಆದರೆ, ಅವರಿಗೆ ನಮ್ಮ ಮಾತುಗಳು ಹಾಗೂ ತೀರ್ಮಾನಗಳು ಅರ್ಥವಾಗುವುದಿಲ್ಲ’ ಎಂದು ಮುಖ್ಯಮಂತ್ರಿ ಎಚ್‌.ಡಿ. ಕುಮಾರಸ್ವಾಮಿ ವಾಗ್ದಾಳಿ ನಡೆಸಿದರು.

ವಿಧಾನಸೌಧದಲ್ಲಿ ಬುಧವಾರ ನಡೆದ ಕೃಷಿ ಪಂಡಿತ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿದ ಅವರು, ‘ನಿಮಗೆ (ರೈತರಿಗೆ) ಪ್ರಧಾನಿ ಭಾಷಣ ಬಹಳ ಚೆನ್ನಾಗಿದೆ ಅನಿಸಬಹುದು. ಆದರೆ, ಅವರ ತೀರ್ಮಾನಗಳು ಅನುಷ್ಠಾನವಾಗುವಂಥದ್ದಲ್ಲ’ ಎಂದರು.

‘ಕಳೆದ ನಾಲ್ಕೂವರೆ ವರ್ಷಗಳಲ್ಲಿ ಮೋದಿ ಅವರು ರೈತರ ಪರ ಕೆಲಸ ಮಾಡಲಿಲ್ಲ. ಚುನಾವಣೆ ಹತ್ತಿರವಾದ ಕೂಡಲೇ ರೈತರ ನೆನಪಾಗಿದೆ’ ಎಂದರು.