ಮೈಸೂರು: ಮತ್ತೆ 12 ಜನರಿಗೆ ಕೋವಿಡ್-19 ದೃಢ

ಮೈಸೂರು: ಮೈಸೂರಿನಲ್ಲಿ ಒಂದೇ ದಿನ 12 ಕೋವಿಡ್-19ದೃಢಪಟ್ಟದ್ದು, ನಂಜನಗೂಡಿನ 10 ಜನರಿಗೆ, ಮೈಸೂರಿನ ಇಬ್ಬರಿಗೆ ಸೋಂಕುತಗುಲಿದೆ.

ಇದರಿಂದ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ ಒಟ್ಟು 73ಕ್ಕೇರಿದೆ. ನಂಜನಗೂಡಿನ ಔಷಧ ಕಾರ್ಖಾನೆಗೆ ಸಂಬಂಧಿಸಿದ ಪೀಡಿತರ ಸಂಖ್ಯೆಯೇ 60 ದಾಟಿದೆ.

ಔಷಧ ಕಾರ್ಖಾನೆಗೆ ಸಂಬಂಧಿಸದ ಮಹಿಳೆಗೆ ಕೋವಿಡ್ ತಗುಲಿದ್ದು, ಸ್ಥಳೀಯರಲ್ಲಿ ಆತಂಕ ಹೆಚ್ಚಿಸಿದೆ.

ಕಾರ್ಖಾನೆಯ ಮೊದಲ ರೋಗಿ ಸಂಪರ್ಕಿತ 11 ಜನರಿಗೆ ಕೋವಿಡ್ ದೃಢಪಟ್ಟಿದೆ.

***
ಮಳವಳ್ಳಿಯ ಮತ್ತೆ ಮೂವರಲ್ಲಿ ಕೋವಿಡ್ 19
ಮಂಡ್ಯ: ಮಳವಳ್ಳಿಯ ಮತ್ತೆ ಮೂವರಲ್ಲಿ ಕೋವಿಡ್ 19 ದೃಢಪಟ್ಟಿದ್ದು, ಜಿಲ್ಲೆಯಲ್ಲಿಒಟ್ಟು ರೋಗಿಗಳ ಸಂಖ್ಯೆ 11ಕ್ಕೇರಿದೆ.

ದೆಹಲಿ ಮೂಲದ ಧರ್ಮಗುರುಗಳ ಸಂಪರ್ಕಕ್ಕೆ ಬಂದಿದ್ದ 25, 29, 40 ವರ್ಷ ವಯಸ್ಸಿನ ಮೂವರಲ್ಲಿ ರೋಗ ಪತ್ತೆಯಾಗಿದೆ.

**
ವಿಜಯಪುರ: ಮತ್ತಿಬ್ಬರಿಗೆ ಕೋವಿಡ್‌ 19 ದೃಢ
ವಿಜಯಪುರದ ಮತ್ತಿಬ್ಬರಿಗೆ ಕೋವಿಡ್–19 ಇಂದು ದೃಢವಾಗಿದೆ. 221ನೇ ರೋಗಿ ಸಂಪರ್ಕದಿಂದ 6 ವರ್ಷ ಬಾಲಕ ಹಾಗೂ 28 ವರ್ಷ ಮಹಿಳೆಗೆ ಸೋಂಕು ತಗುಲಿದೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 19ಕ್ಕೆ ಏರಿಕೆಯಾಗಿದೆ.