ಚಾಮರಾಜನಗರ: ಹೆಣ್ಣು ಮಗುವಿಗೆ ಜನ್ಮ ನೀಡಿದ ಕೋವಿಡ್‌ ಸೋಂಕಿತೆ

ಚಾಮರಾಜನಗರ: ಕೋವಿಡ್-19ಗೆ ತುತ್ತಾಗಿರುವ ಗರ್ಭಿಣಿಯೊಬ್ಬರು ನಗರದ ಜಿಲ್ಲಾಸ್ಪತ್ರೆಯಲ್ಲಿ ಭಾನುವಾರ ಹೆಣ್ಣು ಮಗುವಿಗೆ ಜನ್ಮ‌ ನೀಡಿದ್ದಾರೆ.

ಹನೂರು ತಾಲ್ಲೂಕಿನ ಗಾಣಿಗ ಮಂಗಲದವರಾದ 21 ವರ್ಷದ ಮಹಿಳೆಯು ಎರಡು ದಿನಗಳ ಹಿಂದೆ ಹೆರಿಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರಿಗೆ ಕೋವಿಡ್-19 ಪರೀಕ್ಷೆ ‌ನಡೆಸಲಾಗಿತ್ತು. ಭಾನುವಾರದ ವರದಿಯಲ್ಲಿ ಸೋಂಕು ತಗುಲಿರುವುದು ದೃಢಪಟ್ಟಿತ್ತು.

ದಿನ ತುಂಬಿದ್ದರಿಂದ, ವೈದ್ಯರು ಆಕೆಗೆ ಸಿಸೇರಿಯನ್ ಮೂಲಕ ಹೆರಿಗೆ ಮಾಡಿಸಿದರು. ತಾಯಿ, ಮಗು ಆರೋಗ್ಯವಾಗಿದೆ ಆಸ್ಪತ್ರೆ ಮೂಲಗಳು ತಿಳಿಸಿವೆ.