12–14 ವರ್ಷ ವಯೋಮಾನದ ಮಕ್ಕಳಿಗೆ: ಶಾಲೆಗಳಲ್ಲಿ ಲಸಿಕೆ

ಬೆಂಗಳೂರು:ರಾಜ್ಯದಲ್ಲಿ12–14ವರ್ಷವಯೋಮಾನದ ಮಕ್ಕಳಿಗೆ ಏ.1ರಿಂದ ಶಾಲೆಗಳಲ್ಲಿಯೂ‘ಕೊರ್ಬೆವ್ಯಾಕ್ಸ್’ ಲಸಿಕೆ ನೀಡಲಾಗುವುದು ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

2022ರ ಮಾ.16ರಿಂದ ಈ ವಯೋಮಾನದವರಿಗೆ ಆರೋಗ್ಯ ಕೇಂದ್ರಗಳಲ್ಲಿ ಲಸಿಕೆ ನೀಡಲಾಗುತ್ತಿದೆ. 20.25 ಲಕ್ಷ ಮಕ್ಕಳು12–14 ವರ್ಷದವರಾಗಿದ್ದು, 5.36 ಲಕ್ಷ ಮಕ್ಕಳಿಗೆ ಈವರೆಗೆ ಒಂಡು ಡೋಸ್ ಲಸಿಕೆ ವಿತರಿಸಲಾಗಿದೆ. ಈಗಾಗಲೇ ಶಾಲೆಗಳಲ್ಲಿ 15ರಿಂದ 17 ವರ್ಷದವರಿಗೆ ಲಸಿಕೆ ನೀಡಲಾಗುತ್ತಿದೆ. ಅದರಂತೆ12–14 ವರ್ಷದವರಿಗೂ ಲಸಿಕೆ ಒದಗಿಸಲಾಗುವುದು. ಶಾಲೆಗಳಲ್ಲಿ ಮೂರು ಕೊಠಡಿಗಳು, ಸಿಬ್ಬಂದಿ, ನೀರು ಸೇರಿದಂತೆ ಅಗತ್ಯ ಸೌಲಭ್ಯಗಳು ಇರಬೇಕು ಎಂದು ಇಲಾಖೆ ಸುತ್ತೋಲೆಯಲ್ಲಿ ಸೂಚಿಸಿದೆ.