‘ಇ–ಸಿಟಿ ಹಬ್ಬ’ 17ಕ್ಕೆ

ಬೆಂಗಳೂರು: ಎಲೆಕ್ಟ್ರಾನಿಕ್‌ ಸಿಟಿ ಕೈಗಾರಿಕಾ ಟೌನ್‌ಷಿಪ್‌ ಪ್ರಾಧಿಕಾರವು (ಎಲ್ಸಿಟಾ) ಇದೇ 17ರಂದು ‘ಇ–ಸಿಟಿ ಹಬ್ಬ’ ಸಾಂಸ್ಕೃತಿಕ ಉತ್ಸವವನ್ನು ಹಮ್ಮಿಕೊಂಡಿದೆ.

ಎಲೆಕ್ಟ್ರಾನಿಕ್‌ ಸಿಟಿಯ ಇನ್ಫೊಸಿಸ್‌ ಗ್ರೌಂಡ್‌ನಲ್ಲಿ ನಡೆಯಲಿರುವ ಉತ್ಸವದಲ್ಲಿ ಪರಿಸರ ಸ್ನೇಹಿ ಮಳಿಗೆಗಳನ್ನು ಹಾಕಲಾಗುತ್ತಿದ್ದು, ಬೆಂಗಳೂರಿನ ಜಾನಪದ ತಂಡ ‘ಸ್ವರಾತ್ಮ’ ಕಾರ್ಯಕ್ರಮ ನೀಡಲಿದೆ. ಇದಲ್ಲದೆ, ಸ್ಥಳೀಯ ಪ್ರತಿಭೆಗಳು ಪ್ರದರ್ಶನ ನೀಡಲಿದ್ದು, ನಿವಾಸಿಗಳಿಗಾಗಿ ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ.