ಐಸಿಎಸ್‌ಇ ಫಲಿತಾಂಶ: 34 ಮಂದಿಯಷ್ಟೇ ಅನುತ್ತೀರ್ಣ

ಬೆಂಗಳೂರು: ಐಸಿಎಸ್‌ಇ 10ನೇ ಮತ್ತು 12ನೇ ತರಗತಿ ಫಲಿತಾಂಶ ಪ್ರಕಟವಾಗಿದ್ದು, ರಾಜ್ಯದಲ್ಲಿ ಪರೀಕ್ಷೆಗೆ ಕುಳಿತಿದ್ದ 21,608 ವಿದ್ಯಾರ್ಥಿಗಳಲ್ಲಿ 34 ಮಂದಿ ಮಾತ್ರ ಅನುತ್ತೀರ್ಣರಾಗಿದ್ದಾರೆ.

ಕೋವಿಡ್‌ನಿಂದಾಗಿ ಕೆಲವು ಪರೀಕ್ಷೆಗಳನ್ನು ರದ್ದುಪಡಿಸಿದ್ದರಿಂದ ಈ ಬಾರಿ ಮೆರಿಟ್‌ ಪಟ್ಟಿಯನ್ನು ಪ್ರಕಟಿಸಿಲ್ಲ. 10ನೇ ತರಗತಿಗೆ 19,787 ಮಂದಿ ಪರೀಕ್ಷೆ ಬರೆದಿದ್ದು, 19,770 ಮಂದಿ ಉತ್ತೀರ್ಣರಾಗಿದ್ದಾರೆ. 12ನೇ ತರಗತಿಯಲ್ಲಿ 1,821ರಲ್ಲಿ 1,804 ಮಂದಿ ಉತ್ತೀರ್ಣರಾಗಿದ್ದಾರೆ. ರಾಜ್ಯದ 339 ಶಾಲೆಗಳಲ್ಲಿ 10ನೇ ತರಗತಿ‌ ಹಾಗೂ 41 ಶಾಲೆಗಳಲ್ಲಿ 12ನೇ ತರಗತಿ ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದರು.