ಸಿಎಂ ಕೋವಿಡ್‌ ನಿಧಿಗೆ ₹290.98 ಕೋಟಿ ಸಂಗ್ರಹ

ಬೆಂಗಳೂರು: ಕೋವಿಡ್‌–19ರ ಮುಖ್ಯಮಂತ್ರಿ ಪರಿಹಾರ ನಿಧಿಗೆ ಜೂನ್‌ 18 ರವರೆಗೆ ₹290.98 ಕೋಟಿ ಸಂಗ್ರಹವಾಗಿದೆ.

ತಾಹೀರ್ ಹುಸೇನ್‌ ಎಂಬುವರು ಮಾಹಿತಿ ಹಕ್ಕು ಮೂಲಕ ಅರ್ಜಿ ಸಲ್ಲಿಸಿ ಈ ಕುರಿತು ಮಾಹಿತಿ ಪಡೆದಿದ್ದಾರೆ. ಒಟ್ಟು ಸಂಗ್ರಹವಾದ ಮೊತ್ತ ₹290.98 ಎಂದು ಸರ್ಕಾರ ತಿಳಿಸಿದೆ.

ಈ ಹಣವನ್ನು ಕೋವಿಡ್‌–19 ಸಾಂಕ್ರಾಮಿಕ ರೋಗದ ಸಂಬಂಧ ಅವಶ್ಯಕ ತುರ್ತು ಸೇವೆಗಳಿಗೆ ಖರ್ಚು ಮಾಡಲು ನಿಧಿ ಎಂಬುದಾಗಿ ಕಾಯ್ದಿರಿಸಲಾಗಿದೆ ಎಂದು ಸರ್ಕಾರ ಹೇಳಿದೆ.