ವಿಧಾನಸೌಧ ವ್ಯಾಪಾರ ಸೌಧವಾಗಿ ಬದಲಾಗಿದೆ: ಪ್ರಿಯಾಂಕ್‌ ಖರ್ಗೆ ವಾಗ್ದಾಳಿ

ಬೆಂಗಳೂರು: ವಿಧಾನಸೌಧ ಈಗ ವ್ಯಾಪಾರ ಸೌಧವಾಗಿ ಬದಲಾಗಿದೆ ಎಂದು ಕಾಂಗ್ರೆಸ್‌ ಶಾಸಕ ಪ್ರಿಯಾಂಕ್‌ ಖರ್ಗೆ ಆರೋಪಿಸಿದ್ದಾರೆ.

ಈ ವಿಚಾರವಾಗಿ ‘ಪ್ರಜಾವಾಣಿ’ಯಲ್ಲಿ ಪ್ರಕಟವಾದ ಕಾರ್ಟೂನ್‌ ಹಂಚಿಕೊಂಡಿರುವ ಅವರು, ‘ಸಿಎಂ ಹುದ್ದೆ ₹2500 ಕೋಟಿಗೆ ಬಿಕರಿಯಾಗುವ ಈ ವ್ಯಾಪಾರ ಸೌಧದಲ್ಲಿ ಶಾಸಕಾಂಗಡಿಯಲ್ಲಿ ಶಾಸಕರ ಖರೀದಿಸಲಾಗುತ್ತದೆ. ಕಾರ್ಯಾಂಗಡಿಯಲ್ಲಿ ಸರ್ಕಾರಿ ಹುದ್ದೆಗಳ ಮಾರಾಟವಾಗುತ್ತಿವೆ. 40 ಪರ್ಸೆಂಟ್ ಕಮಿಷನ್ ಕಡ್ಡಾಯವಾಗಿದೆ’ ಎಂದು ಟೀಕಿಸಿದ್ದಾರೆ.

ಆಪರೇಷನ್ ಕಮಲಕ್ಕೆ ಹಾಕಿದ ಬಂಡವಾಳಕ್ಕೆ ಭರ್ಜರಿ ಲಾಭದ ಫಸಲು ತೆಗೆಯಲಾಗುತ್ತದೆ ಎಂದೂ ಖರ್ಗೆ ವಾಗ್ದಾಳಿ ನಡೆಸಿದ್ದಾರೆ.