LS Polls 2024: ಮಾಜಿ ಸಚಿವರಿಗೆ ದೆಹಲಿ ಸೆಳೆತ!

ಬೆಂಗಳೂರು: ‘ಸೋಲೇ ಗೆಲುವಿನ ಮೆಟ್ಟಿಲು’ ಎಂಬುದನ್ನು ನಂಬಿಕೊಂಡವರು ಹಲವರು. ಮಾಜಿ ಸಚಿವರಿಗೆ ಒಂದೇ ವರ್ಷದಲ್ಲಿ ಅಂತಹ ಉಮೇದು ಬಂದು ಬಿಟ್ಟಿದೆ.

2019–2023ರ ಅವಧಿಯಲ್ಲಿ ಸಚಿವರಾಗಿ ಕಾರ್ಯನಿರ್ವಹಿಸಿ, ಕ್ಷೇತ್ರದಲ್ಲಿ ಜನಪ್ರಿಯತೆ ಪಡೆದರೂ ವಿಧಾನಸಭೆ ಚುನಾವಣೆಯಲ್ಲಿ ಸೋಲುಕಂಡಿದ್ದರು. ವಿಧಾನಸಭೆಯಲ್ಲಿ ಹೇಗೂ ಪಕ್ಷ ಅಧಿಕಾರಕ್ಕೆ ಬರಲಿಲ್ಲ; ಲೋಕಸಭೆಗಾದರೂ ಹೋಗೋಣ ಎಂಬ ಲೆಕ್ಕಾಚಾರ ಹಾಕಿ, ಯಾವುದೋ ಪ್ರಭಾವ ಬಳಸಿ ಟಿಕೆಟ್ ದಕ್ಕಿಸಿಕೊಂಡಿದ್ದಾರೆ. ಒಂದು ವೇಳೆ ಮತ್ತೆ ಬಿಜೆಪಿ ಸರ್ಕಾರ ಬಂದರೂ ಅವರೆಲ್ಲರಿಗೂ ಸಚಿವರಾಗುವ ಭಾಗ್ಯವೇನೂ ಸಿಗದು. ಆದರೆ, ಇವರ ಆಸೆ ಮಾತ್ರ ಕಮರದು. ಮರಳಿ ಯತ್ನವ ಮಾಡು ಎಂಬಂತೆ ವರ್ಷದೊಪ್ಪತ್ತಿನಲ್ಲೇ ಮತ್ತೊಮ್ಮೆ ಚುನಾವಣೆ ಎದುರಿಸುತ್ತಿದ್ದಾರೆ.