ಎರಡೂ ಕೈಗಳಲ್ಲಿದ ಲಕ್ಷ್ಮೀ ಕಾಲಿನಿಂದಲೇ ಮತ ಚಲಾಯಿಸಿದರು

ಕಾನಹೊಸಹಳ್ಳಿ: ಸಮೀಪದ ಗುಂಡುಮುಣುಗಿನ ಲಕ್ಷ್ಮೀಅವರಿಗೆ ಎರಡೂ ಕೈಗಳಿಲ್ಲದಿರುವುದರಿಂದ ಕಾಲಿನಿಂದ ಮತ ಗಟ್ಟೇ ಸಂಖ್ಯೆ 118 ರಲ್ಲಿ ಮತ ಚಲಾಯಿಸಿ ಉಳಿದವರಿಗೂ ಮಾದರಿಯಾಗಿದ್ದಾರೆ.

ಮತದಾನ ಮಾಡಲು ಬಂದ ಲಕ್ಷ್ಮೀ ಅವರ ಅವರ ಎಡಗಾಲಿಗೆ ಚುನಾವಣಾ ಸಿಬ್ಬಂದಿ ಶಾಹಿ ಹಾಕಿದರು.ಮತದಾನದ ಬಳಿಕ ಮಾತನಾಡಿದ ಅವರು ‘ಒಂದು ಮತವೂಮುಖ್ಯವಾದದ್ದು’ ಎಂದು ತಿಳಿಸಿದರು.

ಅವರು ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಬಳ್ಳಾರಿ ಜಿಲ್ಲೆಯ ಮತದಾನ ಜಾಗೃತಿಯ ರಾಯಭಾರಿಯಾಗಿ ಕಾರ್ಯ ನಿರ್ವಹಿಸಿದ್ದರು.

ಹಸಿಮಣಿ ಏರುವ ಮುನ್ನ ಮಧುಮಗಳಿಂದಮತದಾನ
ಹೊಸಪೇಟೆ:ವಿಜಯನಗರ ವಿಧಾನಸಭೆ ಕ್ಷೇತ್ರದ ಮಲಪನಗುಡಿ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮತಗಟ್ಟೆ ಸಂಖ್ಯೆ 219 ರಲ್ಲಿ ನವವಧು ಟಿ. ರಮಾ ಹಸಿಮಣೆ ಏರುವ ಮುನ್ನ ಮತದಾನ ಮಾಡುವ ಮೂಲಕ ವಿಶೇಷ ಗಮನ ಸೆಳೆದರು.

ಬಳ್ಳಾರಿ ಜಿಲ್ಲೆಯ ತಂಬ್ರಹಳ್ಳಿ ಸಮೀಪದ ಅಯ್ಯನಹಳ್ಳಿಯಲ್ಲಿ ಮದುವೆ ನಿಶ್ಚಯವಾಗಿದೆ. ಮದುವೆ ಮಂಟಪಕ್ಕೆ ತೆರಳುವ ಮುನ್ನ ಮತಗಟ್ಟೆಗೆ ತೆರಳಿ ಹಕ್ಕು ಚಲಾಯಿಸಿದ್ದಾರೆ. ನಂತರ ಮದುವೆ ಮಂಟಪಕ್ಕೆ ಕುಟುಂಬ ಸದಸ್ಯರೊಂದಿಗೆ ತೆರಳಿದರು.