ಯಾದಗಿರಿ | ಬಡಿಗೆ ಕಟ್ಟಿ ಶವ ಎಳೆದೊಯ್ದು ಅಂತ್ಯಕ್ರಿಯೆ: ಜಿಲ್ಲಾಧಿಕಾರಿ ನೋಟಿಸ್‌

ಯಾದಗಿರಿ: ಕೋವಿಡ್‌ನಿಂದ ಮೃತಪಟ್ಟತಾಲ್ಲೂಕಿನ ಹೊನಗೇರಾ ಗ್ರಾಮದ ವ್ಯಕ್ತಿಯ ಅಂತ್ಯಕ್ರಿಯೆಯನ್ನು ನಿಯಮಾವಳಿಯಂತೆ ಮಾಡದೆ, ಬಡಿಗೆ ಕಟ್ಟಿ ಶವ ಎಳೆದೊಯ್ದು ಗುಂಡಿಯಲ್ಲಿ ಹಾಕಿದ ಕಾರಣಕ್ಕಾಗಿ ‘ಕೋವಿಡ್‌ ಮೃತದೇಹ ನಿರ್ವಹಣೆ ತಂಡ’ದ ಕಾರ್ಯದರ್ಶಿಯೂ ಆಗಿರುವತಾಲ್ಲೂಕು ಆರೋಗ್ಯ ಅಧಿಕಾರಿ ಡಾ.ಹನುಮಂತರೆಡ್ಡಿ ಅವರಿಗೆ ಜಿಲ್ಲಾಧಿಕಾರಿ ಎಂ.ಕೂರ್ಮಾರಾವ್‌ ನೋಟಿಸ್‌ ಜಾರಿ ಮಾಡಿದ್ದಾರೆ.

‘ಶವಸಂಸ್ಕಾರದ ತುರ್ತು ಕಾರ್ಯಗಳನ್ನು ನಿರ್ವಹಿಸುವಲ್ಲಿ ನಿರ್ಲಕ್ಷ್ಯ ತೋರಿರುವುದು ಮೇಲ್ನೋಟಕ್ಕೆ ಕಂಡು ಬಂದಿದೆ. ಹೀಗಾಗಿ ನಿಮ್ಮ ಮೇಲೆ ಯಾಕೆ ಶಿಸ್ತು ಕ್ರಮ ಕೈಗೊಳ್ಳಬಾರದು’ ಎಂದು ಜಿಲ್ಲಾಧಿಕಾರಿ ಬುಧವಾರ ನೀಡಿರುವ ನೋಟಿಸ್‌ನಲ್ಲಿ ಉಲ್ಲೇಖಿಸಿದ್ದಾರೆ.

‘ಜಿಲ್ಲಾಧಿಕಾರಿ ಕಾರಣ ಕೇಳಿ ನೋಟಿಸ್‌ ನೀಡಿದ್ದು, ಉತ್ತರಿಸುತ್ತೇನೆ’ ಎಂದು ತಾಲ್ಲೂಕು ಆರೋಗ್ಯ ಅಧಿಕಾರಿ ಡಾ.ಹನುಮಂತರೆಡ್ಡಿ ಪ್ರತಿಕ್ರಿಯಿಸಿದ್ದಾರೆ.