ಅಪಘಾತ ಪ್ರಕರಣ: ಅಮೆರಿಕ ರಾಯಭಾರಿಗೆ ಸಮನ್ಸ್

ಇಸ್ಲಾಮಾಬಾದ್‌: ಅಮೆರಿಕದ ಹಿರಿಯ ರಾಜತಾಂತ್ರಿಕ ಅಧಿಕಾರಿ ಕೋಲ್ ಜೋಸೆಫ್ ಅವರು ದಮನ್-ಇ-ಕೊಹ್ ಬಳಿ ಅಪಘಾತ ನಡೆಸಿದ ‍ಪ್ರಕರಣರಲ್ಲಿ ರಾಯಭಾರಿ ಡೇವಿಡ್‌ ಹ್ಯಾಲೆ ಅವರಿಗೆ ಪಾಕಿಸ್ತಾನ ಸರ್ಕಾರ ಸಮನ್ಸ್‌ ಜಾರಿ ಮಾಡಿದೆ.

ಲ್ಯಾಂಡ್‌ ಕ್ರೂಸರ್‌ ಕಾರ್‌ ಅನ್ನು ವೇಗವಾಗಿ ಚಲಾಯಿಸಿಕೊಂಡು ಹೋಗುತ್ತಿದ್ದ ಕೋಲ್ ಜೋಸೆಫ್ ಅವರು ದಮನ್-ಇ-ಕೊಹ್ ಎಂಬಲ್ಲಿ  ಸಂಚಾರ ನಿಯಮ ಉಲ್ಲಂಘಿಸಿ ಬೈಕ್‌ಗೆ ಗುದ್ದಿದ್ದರು.

ಬೈಕ್‌ ಚಲಾಯಿಸುತ್ತಿದ್ದ ಅತಿಕ್‌ ಬೈಗ್‌(22) ಅವರು ತಲೆಗೆ ತೀವ್ರ ಪೆಟ್ಟಾಗಿ ಸ್ಥಳದಲ್ಲಿಯೇ ಮೃತಪಟ್ಟರು. ಹಿಂಬದಿ ಸವಾರ ರಹೀಲ್ ಅಹ್ಮದ್‌ ಗಾಯಗೊಂಡಿದ್ದರು. ಇತ್ತೀಚಿನ ದಿನಗಳಲ್ಲಿ ರಾಜತಾಂತ್ರಿಕರು ಮಾಡಿರುವ ಮೂರನೇ ಅಪಘಾತವಿದು.