ಆತ್ಮಹತ್ಯಾ ದಾಳಿ: 20 ಮಂದಿ ಬಲಿ

ಇಸ್ಲಾಮಾಬಾದ್, (ಪಿಟಿಐ): ಸರ್ಕಾರದ ಪರವಾಗಿದ್ದ ಬುಡಕಟ್ಟು ಜನಾಂಗದ ಮುಖ್ಯಸ್ಥನ ಅಂತಿಮಯಾತ್ರೆ ವೇಳೆ  ಬುಧವಾರ ಉಗ್ರರು ನಡೆಸಿದ ಆತ್ಮಹತ್ಯಾ ದಾಳಿಯಲ್ಲಿ ಕನಿಷ್ಠ 20 ಜನರು ಸಾವಿಗೀಡಾಗಿದ್ದು, 50 ಜನರು ಗಾಯಗೊಂಡಿದ್ದಾರೆ. 

 ವಾಯವ್ಯ ಪಾಕಿಸ್ತಾನದ ಗಲಭೆಪೀಡಿತ ಖೈಬರ್-ಪಖ್ತುನಖ್ವಾ ಪ್ರಾಂತ್ಯದ ಜಂದೂಲ್ ಪ್ರದೇಶದಲ್ಲಿ ಅಂತಿಮಯಾತ್ರೆ  ಸಾಗುತ್ತಿದ್ದಾಗ ಈ ದಾಳಿ ನಡೆದಿದೆ. ಯಾವುದೇ ಸಂಘಟನೆಗಳು ಕೃತ್ಯದ ಹೊಣೆ ಹೊತ್ತಿಲ್ಲ. ತಾಲಿಬಾನ್ ಕೃತ್ಯವಿರಬಹುದು ಎಂದು ಶಂಕಿಸಲಾಗಿದೆ.

ಅಪಘಾತ: 30ಸಾವು
ಲುವಾಂಡ(ಎಎಫ್‌ಪಿ): ಯುದ್ಧ ವಿಮಾನವೊಂದು ನೆಲಕ್ಕಪ್ಪಳಿಸಿದ ಪರಿಣಾಮ ಮೂವರು ಸೇನಾಧಿಕಾರಿಗಳು ಸೇರಿದಂತೆ 30 ಜನ ಮೃತಪಟ್ಟಿರ‌್ದುವ  ಘಟನೆ ಗುರುವಾರ ಇಲ್ಲಿನ ಹುವಾಂಬೊ ವಿಮಾನ ನಿಲ್ದಾಣದಲ್ಲಿ ನಡೆದಿದೆ. ದುರಂತಕ್ಕೆ ನಿಖರ ಕಾರಣ ತಿಳಿದಿಲ್ಲ.