ಇಸ್ರೇಲ್‌ ದಾಳಿ: ಮೂವರು ಹಮಾಸ್‌ ಕಮಾಂಡರ್‌ ಸಾವು

ಜೆರುಸಲೇಂ(ಪಿಟಿಐ): ಹಮಾಸ್‌ ವಿರುದ್ಧ ಕಾರ್ಯಾಚರಣೆ ತೀವ್ರಗೊಳಿ­ಸಿರುವ ಇಸ್ರೇಲ್‌, ಗಾಜಾದಲ್ಲಿನ ಮನೆ­ಯೊಂದರ ಮೇಲೆ ಬಾಂಬ್‌ ದಾಳಿ ನಡೆಸಿ ಮೂವರು ಹಿರಿಯ ಹಮಾಸ್‌ ಕಮಾಂಡರ್‌­ಗಳನ್ನು ಸಾಯಿಸಿದೆ. 

ಈ ಮೂವರು ಕಮಾಂಡ­ರ್‌­ಗಳು 2006 ರಲ್ಲಿ ಇಸ್ರೇಲ್‌ ಯೋಧ ಜಿಲಾದ್‌ ಶಾಲಿಟ್‌ ಅವರನ್ನು ಬಂಧಿಸಿ ನಂತರ ಬಿಡುಗಡೆ ಮಾಡಿದ್ದರು. ಇದಲ್ಲದೆ ಕಳ್ಳಸಾಗಣೆ ಹಾಗೂ ಇಸ್ರೇಲ್‌ಗೆ ಸುರಂಗ ಕೊರೆ­ಯುವುದರಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು. 45 ನೇ ದಿನ ನಡೆಯುತ್ತಿರುವ ದಾಳಿ­ಯಲ್ಲಿ 19 ಪ್ಯಾಲೆಸ್ಟೀನಿಯರು ಮೃತ­ಪಟ್ಟಿದ್ದಾರೆ.