ಪಾಕಿಸ್ತಾನದಲ್ಲಿ ಶಿವಾರಾಧನೆ

ಇಸ್ಲಾಮಾಬಾದ್(ಐಎಎನ್‌ಎಸ್): ಪಾಕ್‌ನ ಪಂಜಾಬ್ ಪ್ರಾಂತ್ಯದಲ್ಲಿರುವ ಪ್ರಾಚೀನ ಹಿಂದೂ ದೇವಾಲಯ ಕತಸ್ರಾಜ್‌ನಲ್ಲಿ ಸೋಮವಾರ ಸುಮಾರು ಆರು ವರ್ಷಗಳ ನಂತರ ಭಾರತೀಯ ಯಾತ್ರಾರ್ಥಿಗಳ ತಂಡವೊಂದು ಮಹಾಶಿವರಾತ್ರಿ ಆಚರಿಸಿತು.

ಹಿಂದೂ ಪುರಾಣ ಕಥೆಗಳಲ್ಲಿ ಈ ದೇವಾಲಯವನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ. ಶನಿವಾರ ವಾಘಾ ಗಡಿ ಮೂಲಕ ಆಗಮಿಸಿದ ಸುಮಾರು 50 ಮಂದಿ ಭಾರತೀಯ ಯಾತ್ರಾರ್ಥಿಗಳ ನಿಯೋಗವು ಪಾಕ್ ನಿರ್ವಸಿತರ ಟ್ರಸ್ಟ್ ಆಸ್ತಿಗಳ ಮಂಡಳಿ ಅಧ್ಯಕ್ಷ ಆಸೀಫ್ ಹಶ್ಮಿ ಅವರನ್ನು ಭೇಟಿಯಾಯಿತು. ತಂಡವು ಗುರುವಾರ ಭಾರತಕ್ಕೆ ಮರಳಲಿದೆ.