ಲಂಡನ್: ಹಿಜಾಬ್ ಧರಿಸಿದ್ದ ಮಹಿಳೆಯ ಬೆಂಬಲಕ್ಕೆ ನಿಂತ ಭಾರತ ಸಂಜಾತ ವಿದ್ಯಾರ್ಥಿಗೆ ಬಿಳಿಯ ವ್ಯಕ್ತಿಯೊಬ್ಬ ಜನಾಂಗೀಯವಾಗಿ ನಿಂದಿಸಿ, ಬ್ರಿಟನ್ ಬಿಟ್ಟು ತೊಲಗು ಎಂದು ಹೇಳಿದ್ದಾಗಿ ಮಾಧ್ಯಮಗಳು ವರದಿ ಮಾಡಿವೆ.
ಕೆಂಬ್ರಿಜ್ ವಿಶ್ವವಿದ್ಯಾಲಯದಲ್ಲಿ ರಾಜ್ಯಶಾಸ್ತ್ರ ಕಲಿಯುತ್ತಿರುವ 28 ವರ್ಷದ ವಿದ್ಯಾರ್ಥಿ ರಿಕೇಶ್ ಅಡ್ವಾಣಿ ಮೇಲೆ ಜನಾಂಗೀಯ ದಾಳಿ ನಡೆದಿದೆ ಎಂದು ಕೇಂಬ್ರಿಜ್ ನ್ಯೂಸ್ ವರದಿ ಮಾಡಿದೆ.
ಕೇಂಬ್ರಿಜ್ ಆಸ್ಪತ್ರೆಯಲ್ಲಿ ರಿಕೇಶ್ ಅಡ್ವಾಣಿ ನಿಂತಿದ್ದರು. ಅಲ್ಲಿಗೆ ಬಂದ ಹಿಜಾಬ್ ಧರಿಸಿದ್ದ ರೋಗಿಯನ್ನು ಕುರಿತು ಬಿಳಿಯ ವ್ಯಕ್ತಿಯೊಬ್ಬರು ಅವಾಚ್ಯವಾಗಿ ನಿಂದಿಸಿದ್ದರು. ಇದಕ್ಕೆ ರಿಕೇಶ್ ಆಕ್ಷೇಪಿಸಿದಾಗ ನಿಂದಿಸಲಾಯಿತು ಎಂದು ವರದಿಯಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.